50 ახალი სასტუმროსა და გზებზე ტურისტული ინფრასტრუქტურის მოწყობის პროექტის პრეზენტაციაზე მოწვეულ ბიზნესმენებს დიმიტრი ქუმსიშვილი ეკონომიკაში არსებულ ტენდენციებზეც ესაუბრა.

„ვიდრე გადავალ უშუალოდ პრეზენტაციაზე, მინდა ინფორმაცია მოგაწოდოთ, თუ რა სტატუსი, რა მიღწევები და რა ტენდენციები გვაქვს დღეს ეკონომიკაში. ბიზნესმენები ბრძანდებით და, რა თქმა უნდა, თქვენთვის ძალიან მნიშვნელოვანია, რომ სწორად იცოდეთ, რა სავაჭრო ბრუნვა გვაქვს, რადგან ჩვენი სავაჭრო ბრუნვა აისახება ჩვენს ვალუტაზე და შესაბამისად, მოლოდინები, რომელიც თქვენ შეიძლება გქონდეთ, მინდა რომ სწორი  იყოს“- აღნიშნა პირველმა ვიცე-პრემიერმა.

დიმიტრი ქუმსიშვილის თქმით, „საქსტატის“ მიერ გამოქვეყნებულ ინფორმაციაში ნამდვილად იყო მინაწერი, რომ ეს ყველაფერი არის C ჰეპატიტის წამლები და C ჰეპატიტის წამლების გარეშე.

„ახლა მინდა დაგიკონკრეტოთ: ჩვენი 8 თვის სავაჭრო ბრუნვა ექსპორტის ნაწილში არის 11% -ით შემცირებული, თუმცა, იმპორტის ნაწილში არის შემცირებული ასევე 4%-ით. გამოქვეყნებულ მონაცემებში, თუ გახსოვთ, იყო 23%-იანი იმპორტის ზრდა, რაც არ შეესაბამება ვაჭრობის სინამდვილეს იმიტომ, რომ C ჰეპატიტის წამლებია დანარჩენი. შესაბამისად, საბოლოო ჯამში, ჩვენ გვაქვს გაუმჯობესებული სავაჭრო ბალანსი, მხოლოდ საერთაშორისო ვაჭრობაში გვაქვს გაუმჯობესება სადღაც 25 მილიონი დოლარით. ამასთანავე, ძალიან კარგი ტენდენცია გვქონდა აგვისტოში. თქვენ იცით, რომ ფულადი გზავნილები არის მნიშვნელოვანი ინსტრუმენტი, რომელიც ჩვენ ქვეყანას ეხმარება საგადასახდელო ბალანსის ნაწილში და ამ მიმართულებით ჩვენ გვქონდა 25%-იანი ზრდა“ - განაცხადა პირველმა ვიცე-პრემიერმა.

დიმიტრი ქუმსიშვილმა ასევე ხაზი გაუსვა, რომ 140 მილიონიანი განსხვავებით ზრდა გვაქვს ტურიზმის მიმართულებითაც. „ასე რომ საგადასახდელო ბალანსი არის პოზიტიური წინა წლის ანალოგიურ პერიოდთან შედარებით. ეს განსაკუთრებით მნიშვნელოვანი ინფორმაციაა იმპორტიორებისთვის და იმ ადამიანებისთვის, ვისაც შემოაქვს გარედან რაღაც საქონელი და ჩვენს ქვეყანაში ყიდის“ - აღნიშნა დიმიტრი ქუმსიშვილმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი

ზურაბ ცეცხლაძე საზმაუზე: ჩვენს აქციაზე საინფორმაციო გამოშვებაში ერთი წინადადებაც არ თქვეს

ბინადობის უფლებისთვის 3000 ევროს ძალავდნენ- დაკავებულია ორი პირი

გამოავლინეს ვალუტის გადამცვლელი 15 უკანონო პუნქტი, დაკავებულია 9 პირი