„ფასების საერთო დონე იანვარში დეკემბერთან შედარებით გაიზარდა მხოლოდ 0,35 პროცენტით, ხოლო თებერვალში დაახლოებით 0,11 პროცენტით“, - ამის შესახებ ფინანსთა მინისტრმა ნოდარ ხადურმა პარლამენტის  დარგობრივი ეკონომიკისა და ეკონომიკური პოლიტიკის და საფინანსო-საბიუჯეტო კომიტეტების სხდომაზე განაცხადა.

ხადურის თქმით, საგარეო ფაქტორებმა გაძლიერებულ დოლართან ერთად გაცვლითი კურსის ცვალებადობა გამოიწვია.

„2014 წელს საქართველოს შიდა პროდუქტი 4.5%-თ გაიზარდა, ეს წინასწარი შეფასებაა, რაც თითქმის ყველაზე მაღალი მაჩვენებელია რეგიონში. გამონაკლისს შეადგენს თურქმენეთი და უზბეკეთი. ეკონომიკური ზრდის პროცენტი პროგნოზირებულზე 5%-ზე მაღალი იქნებოდა, რომ არა საგარეო ფაქტორები. ეს არ შეეხება მხოლოდ რუსეთსა და უკრაინაში მიმდინარე პროცესებს, არამედ საქართველოს სხვა საექსპორტო ქვეყნებშიც, რომელშიც მათი ეკონომიკაზე ჩვენს ეკონომიკაზე მჭიდროდაა დაკვშირებული. ზოგადად ექსპორტის კლებაა, აზერბაიჯანში, ბელორუსში, ყაზახეთში და სხვა. სავალუტო შემოდინების სიდიდე მნიშვნელოვნად იყო დამოკიდებული ფულად გზავნილებზე რუსეთიდან, საბერძნეთიდან და სხვა ქვეყნებიდან, უცხოური ვალუტის აღნიშნული არხიც შემცირებულია, რამაც ასევე ზეგავლენა მოახდინა გაცვლით კურსზე. სწორედ ამ საგარეო ფაქტორებმა გაძლიერებულ დოლართან ერთად გამოიწვია გაცვლითი კურსის ცვალებადობა, მაგრამ უნდა აღინიშნოს, რომ ქართული ლარი გამყარდა მათავარ სავაჭრო პარტნიორი ქვეყნების ვალუტებთან, რაც არ გვაძლევს ვალუტის გაუფასურების შედეგად ექსპორტის წახალისების ეფექტს. დოლართან ლარის გაუფასურების ფონზე, უნდა აღინიშნოს, რომ ინფლაციის დაბალი მაჩვენებლებია. ფასების საერთო დონე იანვარში დეკემბერთან შედარებით გაიზარდა მხოლოდ 0,35 პროცენტით, ხოლო თებერვალში დაახლოებით 0,11 პროცენტით“, - განაცხადა ნოდარ ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს