იზორია: სუს-ი თავის ფუნქციებს ახორციელებს კანონის საფუძველზე

2016-09-15 14:54:28, 1481 ნახვა

სამართალი

უსაფრთხოების სამსახური თავის ფუნქციებს ახორციელებს კანონის საფუძველზე, - ამის შესახებ საქართველოს თავდაცვის მინისტრმა და სუს-ის უფროსის ყოფილმა მოადგილემ ლევან იზორიამ, გავრცელებული სატელეფონო ჩანაწერის კომენტირებისას განაცხადა.

მისივე თქმით, სუს-ი პერსონალური მონაცემების დაცვის მაღალ ხარისხს ახორციელებს.

"სუს-ი ახორციელებს მიუკერძოებლად იმ ფუნქციებს, რასაც ქვია სახელმწიფო უსაფრთხოების უზრუნველყოფა და მაქსიმალურად არის დაცული თითოეულის პერსონალური უფლებები ამ ფუნქციის განხორციელების ფარგლებში. აქედან გამომდინარე, როგორც ამ სამსახურის ერთ-ერთი ძველი წარმომადგენელი, რომელმაც ვიცი რა მიუკერძოებლობის და პერსონალური მონაცემების დაცვის მაღალი ხარისხი, სრული პასუხისმგებლობით შემიძლია ვთქვა, რომ სახელმწიფო უსაფრთხოების სამსახური თავის ფუნქციებს ახორციელებს კანონის საფუძველზე", - განაცხადა ლევან იზორიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან