საქართველოს ეროვნული ბანკის პრეზიდენტს გიორგი ქადაგიძეს, პარლამენტში ეროვნული ბანკის მოსმენა აღმასრულებელი ხელისუფლების წარმომადგენლებთან ერთად არ მოსწონს.

როგორც ქადაგიძემ ჟურნალისტებს განუცხადა, მოსმენის ასეთი ფორმატი ეროვნული ბანკის პოლიტიზირების საფრთხეს ქმნის.

„ფორმატი, როდესაც ეროვნული ბანკის მოსმენა ხდება, აღმსასრულებელი ხელისუფლების წარმომადგენლებთან ერთად, მე დიდად არ მომწონს, ვინაიდან, არის ძალიან დიდი საფრთხე ბანკის პოლიტიზირების. მიუხედავად ამისა, იმისთვის, რომ ყველა კითხვაზე პასუხი იყოს გაცემული, ეროვნული ბანკის ქმედებებთან დაკავშირებით, ჩვენ მზად ვართ ნებისმიერ ფორმატში, ნებისმიერ დროს ყველა ვუპასუხოთ. დღეს კი, ზუსტად ისეთი დღეა, როცა ყველა კითხვაზე პასუხები იქნება გაცემული ეროვნული ბანკის ქმედებებთან დაკავშირებით“, - განაცხადა გიორგი ქადაგიძემ.

ცნობისთვის, პარლამენტში რამდენიმე წუთში დარგობრივი ეკონომიკის, ეკონომიკური პოლიტიკისა და საფინანსო საბიუჯეტო კომიტეტის გაერთიანებული სხდომა უნდა დაიწყოს, რომელსაც მთავრობის ეკონომიკური გუნდის წარმომადგენლები: ფინანსთა მინისტრი ნოდარ ხადური, ეკონომიკისა და მდგრადი განვითარების მინისტრი გიორგი კვირიკაშვილი, ეროვნული ბანკის პრეზიდენტი გიორგი ქადაგიძე, ასევე, საპარლამენტო უმრავლესობისა და უმცირესობის წევრები დაესწრებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!