საქართველოს საერთაშორისო საზღვაო ფორუმზე შავ ზღვის რეგიონში საკრუიზო ტურიზმის განვითარების პერსპექტივების შესახებ ისაუბრეს. აჭარის ტურიზმისა და კურორტების დეპარტამენტის ინფორმაციით, პანელურ შეხვედრაზე, რომელსაც მოდერატორობას აჭარის ტურიზმის დეპარტამენტის თავმჯდომარე მამუკა ბერძენიშვილი უწევდა, საერთაშორისო ექსპერტი პიტერ ვაილდი  სიტყვით გამოვიდა.

პიტერ ვაილდი არის შავი ზღვის რეგიონში საკრუიზო ტურიზმის განვითარების სტატეგიის ავტორი, რომელიც აჭარის ტურიზმის დეპარტამენტმა მოამზადა. ვაილდმა საკრუიზო ტურიზმის მიმართულებით რეგიონში არსებულ გამოწვევებზე ისაუბრა და მათი მოგვარების გზებზე გაამახვილა ყურადღება. 

პანელურ შეხვედრაზე, რომელიც საკრუიზო ტურიზმის განვითარების პერსპექტივებს მიეძღვნა სიტყვით ასევე გამოვიდნენ საქართველოს ტურიზმის ეროვნული ადმინისტრაციის ხელმძღვანელი გიორგი ჩოგოვაძე და ბათუმის საზღვაო აკადემიის რექტორი ირაკლი შარაბიძე. ჩოგოვაძემ საქართველოს ტურისტულ შესაძლებლობებსა და ქვეყანაში ტურისტების მზარდ რაოდენობაზე გაამახვილა ყურადღება. საზღვაო აკადემიის რექტორმა კი საკრუიზო ტურიზმის კუთხით აკადემიაში მიმდინარე პროექტებზე ისაუბრა.

საქართველოში საერთაშორისო საზღვაო ფორუმი პირველად იმართება და მას დელეგატები 40-ზე მეტი ქვეყნიდან ესწრებიან. ფორუმის მთავარ თემას წარმოადგენს „საერთაშორისო ნაოსნობა მსოფლიოს შეუცვლელი ტრანსპორტირების საშუალება“. ფორუმი ბათუმში 12 სექტემბერს დაიწყო და 16 სექტემბერს დასრულდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს