პირველმა ვიცე-პრემიერმა დიმიტრი ქუმსიშვილმა საქართველო-ბელარუსის საქმიანი საბჭოს პირველი სხდომა გახსნა, რომელიც ორი ქვეყნის სავაჭრო-სამრეწველო პალატების ორგანიზებით გაიმართა. საქმიანი საბჭოს სხდომაში მონაწილეობდნენ ფარმაცევტული, სამშენებლო სექტორის, სოფლის მეურნეობის, მანქანათმშენებლობის სფეროს კომპანიებისა და სამეცნიერო-კვლევითი ინსტიტუტების წარმომადგენლები. 
მისასალმებელ სიტყვაში, პირველმა ვიცე-პრემიერმა დიმიტრი ქუმსიშვილმა განაცხადა, რომ საქმიანი საბჭოს მოწვევის იდეა და ორმხრივი სავაჭრო-ეკონომიკური ურთიერთობების შემდგომი განვითარება საქართველოსა და ბელარუსის უმაღლესი რანგის შეხვედრების დროს გადაწყდა.  

პირველმა ვიცე-პრემიერმა ვრცლად ისაუბრა ორი ქვეყნის სავაჭრო-ეკონომიკური თანამშრომლობაზე, ასევე ერთობლივ ეკონომიკურ პროექტებზე, რომლებიც უკვე ხორციელდება საქართველოში. ასეთი თანამშრომლობის კარგ მაგალითად დიმიტრი ქუმსიშვილმა ტრაქტორების ამწყობი საწარმო დაასახელა. ამასთან, მისი თქმით, მსგავსი პროექტები მომავალშიც განხორციელდება, რაც ორივე მხარეს მნიშვნელოვან სარგებელს მოუტანს. 

პირველმა ვიცე-პრემიერმა განსაკუთრებული ყურადღება გაამახვილა საქართველოს ხელსაყრელ ბიზნეს და საინვესტიციო გარემოზე, იმ შესაძლებლობებზე, რომელიც არსებობს უცხოელი ინვესტორებისათვის, აგრეთვე იმ რეფორმებზე, რომელთაც საქართველოს ხელისუფლება ბიზნესის ხელშეწყობის მიმართულებით ახორციელებს. 

საქართველო-ბელარუსის საქმიანი საბჭოს სხდომის მონაწილეებს ასევე მიესალმა ბელარუსის ვიცე-პრემიერი მიხაილ ბელი. 

ოფიციალური გამოსვლების შემდეგ, ხელი მოეწერა რამდენიმე შეთანხმებას თანამშრომლობის შესახებ ფარმაცევტიკის, პოსტსაუნვერსიტეტო განათლების და მეცნიერების სფეროებში. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ