საქართველოს ფინანსთა მინისტრი ნოდარ ხადური პოლონეთის რესპუბლიკის დელეგაციას შეხვდა, რომელსაც პოლონეთის ეკონომიკური განვითარების მინისტრის მოადგილე მარიუშ ხალადნი ხელმძღვანელობს.

როგორც "ექსპრესნიუსს" ფინანსთა სამინისტროდან აცნობეს, შეხვედრაზე საუბარი საქართველოსა და პოლონეთს შორის პარტნიორობის საკითხებს შეეხო. ფინანსთა მინისტრმა, განსაკუთრებით ხაზი გაუსვა საქართველოს ფინანსთა სამინისტროს საგამოძიებო სამსახურის წარმატებულ თანამშრომლობას პოლონეთის ფინანსთა სამინისტროს სახაზინო დაზვერვის დეპარტამენტთან და იმედი გამოთქვა, რომ პოლონურ-ქართული ურთიერთობები მომავალში კიდევ უფრო განმტკიცდება.

ფინანსთა მინისტრის მოადგილემ, ლაშა ხუციშვილმა სტუმრებს საგადასახადო სფეროში განხორციელებული რეფორმების, მათ შორის, მოგების გადასახადის ახალი სისტემის შესახებ ინფორმაცია მიაწოდა, რომელიც ქვეყანაში 2017 წლიდან ამოქმედდება.

უწყების ინფორმაციით, საუბარი, ასევე, ლიბერალიზაციისა და საგადასახადო ადმინისტრირების გამარტივების მიზნით, საქართველოს საგადასახადო კანონმდებლობაში შესულ  ცვლილებებს, კორუფციის წინააღმდეგ ბრძოლის კუთხით განხორციელებულ ღონისძიებებს, ზოგადად, ქვეყნის საგადასახადო პოლიტიკას შეეხო, რომლის მთავარი ამოცანაა, კერძო სექტორისა და უცხოური ინვესტიციებისათვის, ასევე ბიზნესის დაწყებისა და განვითარებისათვის მიმზიდველი და ხელსაყრელი გარემოს შექმნა.

პოლონეთის რესპუბლიკის ეკონომიკური განვითარების სამინისტროს წარმომადგენლები გაეცნენ იმ ნაბიჯებს, რომელიც ქვეყანამ გადადგა ევროკავშირის კანონმდებლობასთან საქართველოს საგადასახადო კანონმდებლობის ჰარმონიზაციის მიმართულებით.

საქართველოს ფინანსთა სამინისტროში გამართულ შეხვედრას დაესწრო პოლონეთის რესპუბლიკის საგანგებო და სრულუფლებიანი ელჩი საქართველოში ანჟეი ჩიეშკოვსკი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს