2016-08-26 13:47:19, 1999 ნახვა
მსოფლიო
უნგრეთი მიგრანტების შესაკავებლად სერბეთთან საზღვარზე მეორე ღობის აშენებას აპირებს
უნგრეთი მიგრანტების შესაკავებლად სერბეთთან საზღვარზე მეორე ღობის აშენებას აპირებს, - ამის შესახებ უნგრეთის პრემიერ-მინისტრმა ვიქტორ ორბანმა განაცხადა.
პრემიერის თქმით, მეორე ღობე უკვე არსებული ღობის გასწვრივ აშენდება, რაც მიგრანტებისგან საზღვარს უკეთესად დაიცავს. პრემიერი ამბობს, რომ განსაკუთრებული ზომების მიღება იმ შემთხვევისთვის არის საჭირო, თუ თურქეთი თავის მიგრაციულ პოლიტიკას შეცვლის.
ცნობისთვის, პირველი ღობე უნგრეთმა 2015 წელს აღმართა. თავდაპირველად ის მავთულხლართებს წარმოადგენდა, მოგვიანებით კი მავთულხლართებს ოთხი მეტრის სიმაღლის ღობე დაემატა. უნგრეთის მიერ სერბეთთან და ხორვატიასთან საზღვარზე აღმართულმა კედელმა ბალკანეთის მარშრუტით მიმავალი მიგრანტების ნაკადი მნიშვნელოვნად შეამცირა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
