ცესკომ „ახალ მემარჯვენეებსა“ და „პატრიოტთა ალიანსს“ საარჩევნო ნომრები წილისყრის გარეშე მიანიჭა

2016-08-24 19:10:59, 1082 ნახვა

პოლიტიკა

ცესკო-ში გამართულ სხდომაზე მიიღეს გადაწყვეტილება, რომლის მიხედვითაც პარტიებს "ახალ მემარჯვენეებს" და "პატრიოტთა ალიანსს" საარჩევნო ნომრები მიენიჭათ.

ცესკო-ს გადაწყვეტილებით ახალი მემარჯვენეები 8 ოქტომბერს დაგეგმილ ყველა სახის არჩევნებში საარჩევნო ნომრით 1 მიიღებენ მონაწილეობას, პატრიოტთა ალიანსი კი 8 ნომრით.

"ახალი მემარჯვენეებიც" და "პატრიოტთა ალიანსის" წარმომადგენლებიც მიღებული გადაწყვეტილებით კმაყოფილები არიან.

"რესპუბლიკურ პარტიაში" კი ფიქრობენ, რომ ცესკო-მ უკანონო გადაწყვეტილება მიიღო და პარტიები არათანაბარ პირობებში ჩააყენა.

რიგირც "რესპუბლიკელები" ამბობენ, ამ ორივე პარტიას საკუთარი საარჩევნო ნომრის გამოყენების უფლება უკვე აქვთ, მათ კი ამის უფლება მხოლოდ 8 სექტემბრის მერე მიენიჭებათ, მხოლოდ მას შემდეგ, რაც სპეციალურ სხდომაზე წილისყრით პარტიებს საარჩევნო ნომრები მიენიჭებათ. ამ დროისთვის უცნობია, რა ნომრით მიიღებს არჩევნებში მონაწილეობას "რესპუბლიკური პარტია".

ცნობისთვის, "ნაციონალური მოძრაობის" საარჩევნო ნომერი 5 და "ქართული ოცნების" საარჩევნო ნომერი 41 უცვლელია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან