რუსეთის ფედერაციის პრეზიდენტმა, ვლადიმერ პუტინმა, მეორე მსოფლიო ომში ოსების როლი აღნიშნა და ხაზი გაუსვა, რომ ამ ხალხს შეუძლია თავისი წინაპრებით იამაყოს.

„ვიცი, რომ გამარჯვების დღე სამხრეთ ოსეთში ფართოდ აღინიშნება და არა შემთხვევით, რადგან ოსებმა აქტიური მონაწილეობა მიიღეს მეორე მსოფლიო ომში, დიდ სამამულო ომში“, - განაცხადა პუტინმა ცხინვალის „ყოფილ ლიდერთან“, ალან გაგლოევთან შეხვედრის დროს.

რუსეთის პრეზიდენტმა განაცხადა, რომ მოსახლეობის რაოდენობის მიხედვით, ოსები პირველ ადგილზე არიან ერთ სულ მოსახლეზე საბჭოთა კავშირის გმირების რაოდენობით და ეს ასევე ეხება ცხინვალის რეგიონის მაცხოვრებლებს.

მან აღნიშნა, რომ 34 ოსიდან რვა ადამიანს მიენიჭა საბჭოთა კავშირის გმირის წოდება და ფრონტზე წასულთა თითქმის ნახევარი აღარ დაბრუნებულა, რაც მნიშვნელოვან დანაკარგს წარმოადგენს.

„და რა თქმა უნდა, როგორც სამხრეთ ოსეთს, ასევე მთლიანად ოსეთს, ოსეთის ხალხს, შეუძლია იამაყოს თავისი წინაპრებით“. ეს არის ნათელი, გმირული გვერდი ოსი ხალხის ისტორიაში“, - დასძინა პუტინმა.

ავტორი: ექსპრესნიუსი,

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა