2016-08-24 16:38:57, 1952 ნახვა
მსოფლიო
დამასკო თურქეთის სამხედრო ოპერაციას სირიის სუვერენიტეტის დარღვევად აფასებს
დამასკო თურქეთის ხელისუფლების მიერ სირიის ჩრდლოეთ ნაწილში დაწყებულ ოპერაციას გმობს, - ამის შესახებ სააგენტო SANA იუწყება.
როგორც სირიის საგარეო საქმეთა სამინისტროს განცხადებაშია ნათქვამი, დამასკო "გმობს აშშ-ის ხელმძღვანელობით მოქმედი საერთაშორისო კოალიციის სამხედრო-საჰაერო ძალების მფარველობით თურქული ტანკების სირიულ მიწაზე შესვლას". სირია ანკარას ქმედებების მისი სუვერენიტეტის დარღვევად განიხილავს.
დამასკოს მტკიცებით, ანკარას მიზანია ჩრდილოეთ სირიიდან არა "ისლამური სახელმწიფოს" განდევნა, არამედ აღნიშნულ ტერიტორიაზე ისეთი ექსტრემისტული ჯგუფების განთავსება, რომლებსაც თურქეთი უჭერს მხარს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
