თურქეთის სამხრეთ-აღმოსავლეთ ნაწილში ქურთ მებრძოლებთან შეტაკებისას დაიღუპა 1 თურქი სამხედრო, 3 პოლიციელი კი დაშავდა, - ამის შესახებ სააგენტო Reuters-ი იუწყება.

ამასთან, როგორც მედია საშუალება წერს, შეტაკებისას მოკლულია “ქურთისტანის მუშათა პარტიის” ქალი მებრძოლიც. შეიარაღებული დაპირისპრება თუნჩელის პროვინციის ქალაქ ნაზიმიეში მიმდინარეობს. ქალაქში კომენდანტის საათი მოქმედებს.

ცნობისთვის, ბოლო პერიოდში თურქეთის სამხრეთ-აღმოსავლეთ ნაწილში ქურთებსა და ქვეყნის უსაფრთხოების ძალებს შორის დაპირისპირება გამწვავდა. 21 აგვისტოს სანლიურფას პროვინციაში სამხედრო მანქანაზე თავდასხმა განხორციელდა, რის შედეგადაც დაიღუპა 1 ჯარისკაცი, 4 კი დაშავდა.

მედიის ინფორმაციით, “ქურთისტანის მუშათა პარტიამ” ასევე პასუხისმგებლობა აიღო ქალაქ ელაზიგში, პოლიციის განყოფილებასთან დანაღმული მანქანის აფეთქებაზე. თავდასხმის შედეგად დაიღუპა სამი და დაშავდა 200-ზე მეტი ადამიანი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Turkish Airlines 18 საერთაშორისო მარშრუტზე რეისებს აჩერებს

რუბიო რომსა და ვატიკანს ეწვევა პაპთან და იტალიასთან კონფლიქტის ფონზე

ოცნების მეგობარი თურქმენეთი ფრთხილად არბილებს შიდა პოლიტიკას - Reuters

ტრამპმა განაცხადა, რომ ის გერმანიაში ჯარისკაცების „გაცილებით უფრო დიდ“ შემცირებას გეგმავს, ვიდრე 5000