2016-08-18 15:21:37, 782 ნახვა
პოლიტიკა
ჯაფარიძე: ნინო ბურჯანაძე ქართულ პოლიტიკაში კრემლის ინტერესების გამხმოვანებელია
„ნინო ბურჯანაძე ქართულ პოლიტიკაში კრემლის ინტერესების გამხმოვანებელია“,-ამის შესახებ პოლიტიკური გაერთიანება „გირჩის“ ერთ-ერთმა ლიდერმა ზურაბ ჯაფარიძემ ჟურნალისტებს ნინო ბურჯანაძის ინიციატივასთან დაკავშირებით განუცხადა.
როგორც ჯაფარიძემ აღნიშნა, ნებისმიერი პოლიტიკოსი, რომელიც რუსული იდეის პროპაგანდას ეწევა ქვეყანაში, ის ატარებს რუსეთის ხელისუფლების კონკრეტულ დაკვეთას.
„ ბურჯანაძე არის მოსკოვში და ხვდება ვიღაცებს, ამაში საოცარი არაფერი არ არის. ნინო ბურჯანაძე ქართულ პოლიტიკაში კრემლის ინტერესების გამხმოვანებელია. ეს არის სამწუხარო რეალობა, მაგრამ ეს ასეა", - აღნიშნა ჯაფარიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
