კავკასიაში სავალუტო ფონდის წარმომადგენელის აზიმ სადიკოვის განცხადებით, ლარის გაუფასურება საგარეო რყევების შედეგია და  ახლა  ქართულ ეკონომიკაზე საგარეო რყევების გავლენის შემცირებაზე მუშაობაა საჭირო. 

როგორც აზიმ სადიკოვმა "მოამბესთან" ექსკლუზიურ ინტერვიუში აღნიშნა, შექმნილი ვითარების გათვალისწინებით, მთავრობამ სწორი პოლიტიკა აწარმოა. 

სავალუტო ფონდის წარმომადგენელი მთავრობას ინვესტიციების მოსაზიდად გააქტიურებას და უცხოელებისთვის დაწესებული შეზღუდვების გაუქმებას, ან გამარტივებას ურჩევს.

"ეროვნული ვალუტის გაუფასურება ჯანსაღი პროცესია.თუ გავითვალისწინებთ იმ შოკს, რომელსაც ქართული ეკონომიკა განიცდის, ლარის კურსის ასე ვთქვათ, გაშვება სასურველი გადაწყვეტილებაც კი იყო. მცურავი კურსის არსებობის გათვალისწინებით, ის რაც მოხდა მთავრობის მხრიდან იყო სწორი პოლიტიკა. რადგან თუ ლარის კურსს არ გაუშვებდნენ, ეს საქართველოს რეზერვების ფასად დაუჯდებოდა, რომელიც ქვეყანამ არ უნდა გამოიყენოს,  როცა ასეთ მასშტაბურ და ხანგრძლივ ეკონომიკურ შოკს განიცდის და მეორე, თუ ლარი გაძვრიდებოდა საქართველოში, წარმოება გაძვირდებოდა იმპორტირებულ საქონელთან შედარებით. ანუ, ლარის გაუფასურება იყო სწორი პოლიტიკის ნაწილი. ჩვენი გზავნილი მთავრობის მიმართ ის არის, რომ ეს არის საგარეო რყევების შედეგი, ეს არ არის საქართველოს მიერ გადადგმული ნაბიჯების შედეგი,  ეს არ არის შიდა ფაქტორი, მაგრამ აუცილებელია, ბევრი ვიმუშაოთ ერთად, რათა მინიმუმადე დავიყვანოთ საგარეო რყევების გავლენა ქართულ ეკონომიკაზე",-განაცხადა აზიმ სადიკოვმა "მოამბესთან" ინტერვიუში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!