შინაგან საქმეთა მინისტრმა, გიორგი მღებრიშვილმა აჭარაში  ბათუმში გასვლითი თათბირი ჩაატარა.

შსს-ს ინფორმაციით, შეხვედრას შინაგან  მინისტრის პირველი მოადგილე, ცენტრალური კრიმინალური პოლიციის დეპარტამენტისა და საქართველოს ყველა რეგიონის პოლიციის დეპარტამენტების ხელმძღვანელები ესწრებოდნენ.

მათივე ინფორმაციით, გაერთიანებულ თათბირზე შინაგან საქმეთა მინისტრმა დანაშაულის წინააღმდეგ ბრძოლისა და პრევენციის მიზნით საქართველოს რეგიონებში განხორციელებული ღონისძიებების შესახებ დეტალური ინფორმაცია მიიღო.

გიორგი მღებრიშვილმა, პოლიციის დეპარტამენტების ხელმძღვანელებთან ერთად, პრიორიტეტული მიმართულებები განიხილა და სამუშაო პროცესთან დაკავშირებით, მათ ახალი დავალებები მისცა.

 „ჩვენი მიზანია დანაშაულის წინააღმდეგ ბრძოლაში კიდევ უფრო ეფექტური შედეგები და უსაფრთხოების მაღალი სტანდარტის დამკვიდრება,“ - აღნიშნა მღებრიშვილმა და დეპარტამენტის ხელმძღვანელებს დანაშაულის წინააღმდეგ ბრძოლაში სრული მხარდაჭერა აღუთქვა.

შეხვედრის დასრულების შემდეგ, გიორგი მღებრიშვილი ბათუმში შსს-ს განსაკუთრებულ დავალებათა დეპარტამენტის რეგიონულ სამმართველოს ეწვია, თანამშრომლების სამუშაო პირობებს გაეცნო და არსებული ინფრასტრუქტურა დაათვალიერა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გიგა ფარულავა - ლევან მაჭავარიანს დაუწერეს და დაადებინეს ეს კონკრეტული განცხადება

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება