ნებისმიერი საკითხი უნდა წყდებოდეს სამართლებრივად, ისე, რომ თავისუფალი იყოს პოლიტიკური ზეწოლისგან, - ამის შესახებ საქართველოშ აშშ-ის ელჩმა, იან კელიმ ჟურნალისტებს განუცხადა.

ამასთან ჟურნალისტების კითხვაზე, თუ რა აზრი აქვს იან კელის, ეკა ბესელიასა და გედევან ფოფხაძის მიერ დრეს გავრცელებულ მიმართვას, რომელიც საკონსტიტუციო სასამართლოს შეეხება, კელიმ აღნიშნა, რომ განაცხადება არ უნახავს.

"მე არ მინახავს ეს მიმართვა, ახლა გავიგე თქვენგან. თუმცა, გეტყვით, რომ ამერიკის შეერთებული შტატები ეხმარება საქართველოს, კიდევ უფრო დაუახლოვდეს ევროატლანტიკურ ინტეგრაციას. ამისათვის აუცილებელია  დემოკრატია. ჩვენ ვეხმარებით ამაში საქართველოს .კიდევ ვიტყვი, რომ თავისუფალი სასამართლო, სამართალწარმოება არის ძალიან მნიშვნელოვანი. ნებისმიერი საკითხი  უნდა წყდებოდეს სამართლებრივად, ისე, რომ პოლიტიკური ზეწოლისაგან თავისუფალი იყოს", -აღნიშნა იან კელიმ. 

შეგახსენებთ, რომ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ეკა ბესელია და მისი მოადგილე გედევან ფოფხაძე ქართულ საზოგადოებას და საქართველოში აკრედიტებულ დიპლომატიურ კორპუსს მიმართავენ.

როგორც მიმართვაშია ნათქვამი, მათი განცხადების მიზანია ქართულ საზოგადოებასა და საერთაშორისო თანამეგობრობას კიდევ ერთხელ აჩვენონ ”ნაციონალური მოძრაობის” სახე, ამჯერად მის მიერ საკონსტიტუციო სასამართლოს პოლიტიკურ იარაღად გამოყენების მცდელობის მაგალითზე”.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით