აჭარის მთავრობის თავმჯდომარე არჩილ ხაბაძე ბათუმში გამართულ სამმხრივ ბიზნესფორუმს დაესწრო.

ფორუმი, რომელსაც საქართველოს, თურქეთისა და აზერბაიჯანის 300-ზე მეტ ბიზნესმენთან ერთად, საქართველოს ვიცე-პრემიერი, ეკონომიკისა და მდგრადი განვითარების მინისტრი, თურქეთის ეკონომიკის მინისტრი, ასევე აზერბაიჯანის ეკონომიკისა და მრეწველობის მინისტრები ესწრებოდნენ, პრემიერ-მინისტრმა ირაკლი ღარიბაშვილმა გახსნა.

აჭარის მთავრობის პრესსამსახურის ინფორმაციით, სამმხრივი ფორუმის ფარლებში B2B შეხვედრები გაიმართა, რომლის დროსაც სოფლის მეურნეობის, ფინანსების, ენერგეტიკის, საკვები პროდუქტების გადამუშავების, მშენებლობის, უძრავი ქონების, ტელეკომუნიკაციების, ტექსტილისა და მრეწველობის სფეროებში მოღვაწე ბიზნესმენებმა და კომპანიების წარმომადგენლებმა სამომავლო თანამშრომლობის საკითხები განიხილეს.

ცნობისთვის, საქართველო-თურქეთ-აზერბაიჯანის ერთობლივი ბიზნეს ფორუმი საქართველოს ეკონომიკისა და მდგრადი განვითარების სამინისტროსა და ეროვნული საინვესტიციო სააგენტოს ორგანიზებით და საქართველოს სავაჭრო სამრეწველო პალატის, აზერბაიჯანის ექსპორტისა და ინვესტიციების ხელშეწყობის ფონდის, საქართველოს დამსაქმებელთა ასოციაციისა და თურქეთის საგარეო ეკონომიკური ურთიერთობების საბჭოს მხარდაჭერით გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!