ქვეყანაში არსებული საინვესტიციო გარემო, ჩინური ინვესტიციების ამჟამინდელი სტატუსი, შემოსვლის პროცესი და მისი გაზრდის ალბათობა -  ეს იმ საკითხთა არასრული ჩამონათვალია, რომელზეც საქართველოს პრეზიდენტის ეკონომიკურმა მრჩეველმა მაია მელიქიძემ და ინვესტორთა საბჭოს სამდივნოს უფროსმა მარიამ მეღვინეთუხუცესმა ისაუბრეს.

მაია მელიქიძის განცხადებით, საჭიროა, ქვეყანამ გააქტიუროს თავისუფალი ვაჭრობის შესახებ შეთანხმებების მიღწევაზე მუშაობა ჩინეთთან და ამერიკის შეერთებულ შტატებთან.

პრეზიდენტის მრჩეველი მიზანშეწონილად მიიჩნევს, ადგილობრივი ბაზრის განვითარებას. მაია მელიქიძე ქართული პროდუქტით იმპორტირებული საქონლის ჩაანაცვლების საჭიროებას ხედავს, რაც ქვეყანაში სავაჭრო ბალანსის გაუმჯობესებას გამოიწვევს.

ერთსულოვანია პრეზიდენტის ადმინისტრაცია და ინვესტორთა საბჭო სასამართლო რეფორმასთან დაკავშირებით, რომელიც ბიზნესდავების გადაწყვეტილების პროცესის გაჭიანურებას, მოსამართლეთა კომპეტენციას და ადმინისტრირებას უკავშირდება.

მაია მელიქიძის განცხადებით,  ინვესტორთა საბჭოსა და პრეზიდენტის ადმინისტრაციას შორის იგეგმება სამომავლოდ მჭიდრო თანამშრომლობა, რათა კონკრეტული სექტორების განვითარების მიზნით კონკრეტული ხასიათის ქმედებები განხორციელდეს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს