"საქართველოში ნამდვილად არის სამართლიანი, გამჭვირვალე, უსაფრთხო საინვესტიციო გარემო“, - ამის შესახებ საქართველოს პრემიერ-მინისტრმა ირაკლი ღარიბაშვილმა ბათუმში, თურქეთ-საქართველო-აზერბაიჯანის ბიზნეფორუმზე სიტყვით გამოსვლისას განაცხადა

პრემიერმა ქვეყნებს შორის ურთიერთობების გაღრმავების მნიშვნელობაზე ისაუბრა და განაცხადა, რომ საქართველო მზად არის თანამშრომლობისათვის, როგორც თურქეთთან, ისევე აზერბაიჯანთან.

ამასთან, ღარიბაშვილმა აღნიშნა, რომ საქართველოს მთავრობა ქართული ეკონომიკის გასაძლიერებლად ყველაფერს აკეთებს.

"საქართველოსთვის აზერბაიჯანი და თურქეთი ნამვილი მეგობრები და სტრატეგიული პარტნიორები არიან. ჩვენ მზად ვართ ურთიერთობების გაღრმავებისთვის. ეს ფორუმები კარგი ტრადიციია სავაჭრო ეკონომიკური ურთიერთობების გასაღრმავებლად. როგორც წესი, ასეთი ფორმატი ხელს უწყობს საკითხების უკვეთ და დროულად გადაწყვეტას, ასევე სამომავლო გეგმების დასახვას. იმედი მაქვს, რომ ჩვენი შეხვედრა იქნება ნაყოფიერი და არაერთ ახალ ინიციატივას ჩაეყრება დღეს საფუძველი. მინდა კიდევ ერთხელ, ხაზგასმით ავღნიშნო, რომ ჩვენ გვაქვს ძალიან კარგი მეზობლური ურთიერთობები, რითიც მე პირადად ვამაყობ. ჩვენთვის ძალიან საამაყოა, როცა ასეთი ძლიერი პარტნიორი მეზობლები გვყავს რეგიონში. ჩვენი მთავრობა მაქსიმალურად ზრუნავს ჩვენი ქვეყნის ეკონომიკის განვითარების, ბიზნესის ხელშეწყობისა და წახალისებისთვის. ჩვენ ძალისხმევას არ ვიშურებთ, რომ კიდევ უფრო მიმზიდველი საინვესტიციო გარემო შევქმნათ. მე ვარ დარწმუნებული, რომ ჩვენს ქვეყნებს აქვს ძალიან დიდი პოტენციალი. მინდა კიდევ ერთხელ დაგარწმუნოთ,  რომ საქართველოში, ნამდვილად არის სამართლიანი, გამჭვირვალე და უსაფრთხო საინვესტიციო გარემო. თქვენს მიერ ინვესტირებული თითოეული ცენტი, იქნება მაქსიმალურად დაცული კანონისა და სახელმწიფოს მიერ“, - განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!