"ფაქტები, რომლებზეც პაპუაშვილმა ისაუბრა შეიცავს მოსამართლის მიმართ პირადი ცხოვრების ამსახველი კადრებით შანტაჟს" - ამის შესახებ საკონსტიტუციო სასამართლოს თავმჯდომარესთან შეხვედრის შემდეგ კამპანია „ეს შენ გეხებას“ წარმომადგენელმა, ”სამართლიანი არჩევნების” წევრმა ნინო ლომჯარიამ განაცხადა. 

ლომჯარიას განცხადებით, გიორგი პაპუაშვილს კონკრეტული მოსამართლეების სახელები და გვარები არ დაუსახელებია. 

„გიორგი პაპუაშვილმა ისაუბრა სასამართლოსა და მოსამართლეების მიმართ განხორციელებულ გარკვეული ზეწოლების შესახებ. მან ისაუბრა რამდენიმე ფაქტის შესახებ, რასაც უკანასკნელი თვეების განმავლობაში ჰქონდა ადგილი. არ ყოფილა დასახელებული მოსამართლეების კონკრეტული სახელი და გვარები. ის ფაქტები, რომლებზეც მან ისაუბრა შეიცავს მოსამართლის მიმართ პირადი ცხოვრების ამსახველი კადრებით შანტაჟსა და ზეწოლის მცდელობას. მისი მხრიდან არც საქმეებზე არ ყოფილა დაკონკრეტება, თუ რომელ საქმეებთან დაკავშირებით ხდებოდა ზეწოლა. ამასთან, გიორგი პაპუაშვილის ინფორმაციით, მათ მიმართეს პროკურატურას, თუმცა არ მომხდარა რეაგირება, ამიტომ მას გააჩნია საგამოძოებო უწყების მიმართ უნდობლობა. ჩვენ ვფიქრობთ, რომ ასეთი ფაქტები არ უნდა რჩებოდეს რეაგირების გარეშე. ერთი მხრივ, მოსამართლეებმა უნდა ითანამშრომლონ გამოძიებასთან, მეორე მხრივ, ხელისუფლებამ უნდა უზრუნველყოს ამ ფაქტების დროული და ობიექტური გამოძიება და ასევე იმ მოსამართლეებს, რომლებიც მისცემენ ჩვენებას, უნდა მისცეს მყარი გარანტიები“, - განაცხადა ნინო ლომჯარიამ. 

თავის მხრივ, გიორგი პაპუაშვილმა შეხვედრის შემდეგ აღნიშნა, რომ საუბარი შეეხო იმ ქმედებებს, რაც არის დაკავშირებული საკონსტიტუციო სასამართლოს მოსამართლეების ზეწოლასთან დაკავშირებით. 
​
„არასამთავრობო ორგანიზაციები დაინტერესებულები არიან ჩატარდეს ადეკვატური გამოძიება და პასუხი გაეცეს ყველა ამ კითხვას. ისინი ასევე მზად არიან რომ თითოეულ მოსამართლეს, რომლებზეც მიმდინარეობს ზეწოლა და რომლებსაც საგამოძიებო ორგანოებთან მოუწევთ მუშაობა, მიუხედავად იმისა, რომ მათ მიმართ არ არის ნდობა, გვერდში დაუდგნენ და დაეხმარონ, მათ შორის სამართლებრივად“, - განაცხადა გიორგი პაპუაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გიგა ფარულავა - ლევან მაჭავარიანს დაუწერეს და დაადებინეს ეს კონკრეტული განცხადება

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება