გერმანიის ფედერალური მთავრობა მიიჩნევს, რომ ევროკავშირში თურქეთის გაწევრიანების თაობაზე მოლაპარაკებები უნდა შეჩერდეს.

მთავრობის ოფიციალური წარმომადგენლის შტეფან ზაიბერტის განცხადებით, ეს აუცილებელია იმ ქმედებების ფონზე, რომელსაც ანკარა სამხედრო გადატრიალების მცდელობის შემდეგ ახორციელებს.

ზაიბერტის თქმით, ამ ეტაპზე მოლაპარაკებების ახალი ეტაპის დაწყება „წარმოუდგენელია“.

შეგახსენებთ, რომ თურქეთში სამხედრო გადატრიალების მცდელობა იყო, რის შედეგადაც 290-ზე მეტი ადამიანი გარდაიცვალა, 1 400-ზე მეტი კი დაშავდა.

აჯანყების შემდეგ თურქეთში ათასობით ადამიანი დაკავეს. თურქეთის პრეზიდენტი სიკვდილით დასჯის კანონის შემოღებას განიხილავს.

ცნობისთვის, ევროკავშირში გაწევრიანების თაობაზე მოლაპარაკებები, თურქეთმა ჯერ კიდევ 11 წლის წინ დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის არმიამ დონბასში 2022 წლის შემდეგ ყველაზე მასშტაბური კონტრშეტევა დაიწყო

შენი კარიერის პირველი ნაბიჯები თიბისიში - ანაზღაურებადი სტაჟირების პროგრამა დაიწყო

ქონების გადასახადის ზღვარი ₾100 000-მდე იზრდება, ოცნება ინიციატივას დაჩქარებულად განიხილავს

კიევის რეგიონში რუსული დარტყმების შემდეგ, საწყობს ცეცხლი გაუჩნდა და მის მახლობლად ამიაკის მომატებული დონე დაფიქსირდა