2015-03-05 17:00:04, 1370 ნახვა
ეკონომიკა
ფინანსთა სამინისტრო საწვავის, ავეჯის, რემონტის ხარჯებსა და მივლინებებებს ამცირებს
ფინანსთა სამინისტროს სისტემაში მიღებულია გადაწყვეტილება, შემცირდება საწვავის, ავეჯის, რემონტის ხარჯები და მივლინებები,-ამის შესახებ ფინანსთა მინსიტრმა ნოდარ ხადურმა მთავრობის სხდომის დასრულების შემდეგ ჟურნალისტებს განუცხადა.
მისივე განმარტებით, ყველა ის ხარჯი შემცირდება, რომელიც ინფრასტრუქტურული არ არის.
"ძალიან ბევრი ნაბიჯია, რომელიც გადასადგმელია. ვიდრე მთავრობას წარვუდგენდი დღეს ჩვენს მოსაზრებებს იმასთან დაკავშირებით, თუ როგორ შევზღუდოთ მიმდინარე ხარჯები, ფინანსთა სამინისტროს სისტემაში მიღებულია გადაწყვეტილება-შემცირდება საწვავის ხარჯები, შემცირდება მივლინებები, ავეჯის ხარჯი, რემონტის ხარჯი და ყველა ის ხარჯი, რომელიც არ არის ინფრასტრუქტურული, იქნება შემცირებული, მაგრამ ყველაფერს გავითვლით და მოგახსენებთ",-განაცხადა ნოდარ ხადურმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
