ექსპერტი პოლიტიკის საკითხებში სოსო ცისკარიშვილი საკონსტიტუციო სასამართლოს თავმჯდომარის განცხადებას ეხმაურება და აცხადებს, რომ პრემიერ-მინისტრის, პრეზიდენტისა და გიორგი პაპუაშვილის ერთობლივი შეხვედრის გამართვა აუცილებელია.

როგორც ცისკარიშვილმა „ექსპრესნიუსს“ განუცხადა, საზოგადოების უპირველესი ინტერესი იმ პირის მოძიება უნდა იყო, რომელიც მოსამართლეებზე ზეწოლას გეგმავს.

 „მთელი ჩვენი საზოგადოების უპირველესი ინტერესი უნდა იყოს, რომ მოვიძიოთ ის პირი, რომელიც მოსამართლეებზე ზეწოლას გეგმავს და დავალებებს აძლევს შესაბამის სტრუქტურებს. საუბარი იმაზე, რომ მოსამართლეებზე ზეწოლასა და მოსყიდვის მცდელობას არ აქვს ადგილი, შეუძლიათ  ტელეკამერებთან იმ მოსამართლეებმა თქვან, რომელთაც საუბრისას არაბუნებრივი ღიმილი დასთამაშებთ. სასწრაფოდ გიორგი პაპუაშვილს, პრეზიდენტსა და პრემიერს შორის უნდა დაიგეგმოს  შეხვედრები. უფრო შედეგიანი იქნება თუ საკონსტიტუციო სასამართლოს თავმჯდომარე პრეზიდენტსა და პრემიერს ცალკ-ცალკე არ შეხვდება, რადგან სხვადასხვა პოლიტიკური ინტერპრეტაციები არ მიეცეს ამ ყოველივეს“, - აღნიშნა ცისკარიშვილმა.

რაც შეეხება პროკურატურის განცხადებას, ექსპერტის თქმით, არც ერთ ცივილიზებულ ქვეყანაში კონსტიტუციური სასამართლოს თავმჯდომარეს პროკურტურში არ იბარებენ.

„ჩემთვის მიუღებელია, რომ სასამართლო სისტემის უმაღლესი თანამდებობის პირი უნდა ეახლოს პროკურატურას. ამისთანა რა ხარჯი ვერ გაიმეტეს პროკურატურაში, რომ ორი შესაბამისი პირი ბათუმში ვერ მიავლინეს. პაპუაშვილი, თურმე, პროკურატურაშია დაბარებული. ასეთი რამ რომელ ცივილიზებულ ქვეყანაში ხდება?!  იქნებ შემდგომ თუ ვინმეს პაპუაშვილის ჩვენება ფანტაზიად მოეჩვენა, მის დაპატიმრებაზეც იფიქრონ“, - აცხადებს ცისკარიშვილი.

შეგახსენებთ, საკონსტიტუციო სასამართლოს თავმჯდომარე გიორგი პაპუაშვილმა განაცხადა, რომ მოსამართლეებზე მიზანმიმართული ზეწოლა მიმდინარეობს.

საკონსტიტუციო სასამართლოს თავმჯდომარის განცხადებას საქართველოს მთავარი პროკურატურა გამოეხმაურა და გიორგი პაპუაშვილს მიმართა, „მისთვის სასურველ დროს“ უწყებაში გამოცხადდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება

არასრულწლოვანი შვილიშვილი აიძულა, ცოლად გაჰყოლოდა თანასოფლელს - მარნეულში ქალი დააკავეს