აღსრულების ეროვნული ბიუროს ეზოში მომხდარი სროლის შედეგად დაჭრილი ერთ-ერთი პირი გარდაიცვალა.

ინფორმაცია „ექსპრესნიუსს“ ღუდუშაურის სახელობის ეროვნულ სამედიცინო ცენტრში დაუდასტურეს.

გავრცელებული ინფორმაციით, ინციდენტში მონაწილეები სახელმწიფო უწყებების ყოფილი მაღალჩინოსნები არიან. „რუსთავი 2“-ის ცნობით, დაპირისპირება შუადღისას არჩილ მამაგეიშვილსა და ავთანდილ ანთიძეს შორის მოხდა.

დაჭრილები  საავადმყოფოში გადაიყვანეს, თუმცა ექიმებმა ერთ-ერთი მათგანის, არჩილ მამაგეიშვილის გადარჩენა ვერ შეძლეს. ავთანდილ ანთიძეს ამ დროისთვის ოპერაცია უტარდება.

შემთხვევის ადგილიდან სამი ცეცხლსასროლი იარაღია ამოღებული.

როგორც "ექსპრესნიუსს" შსს-ს საზოგადოებასთან ურთიერთობის სამსახურში განუცხადეს, მომხდართან დაკავშირებით გამოძიება სსკ-ის 19-108-ე და 236-ე მუხლებით მიმდინარეობს, რაც განზრახ მკვლელობას და ცეცხლსასროლი იარაღის უკანონო შეძენა-შენახვას-ტარებას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამხრეთ კორეამ უკრაინა დაადანაშაულა ორი ჩრდილოეთ კორეელი სამხედრო ტყვეების საიდუმლოდ გადაცემის გამჟღავნებაში და ბოდიშის მოხდა მოითხოვა

ავტოსაგზაო შემთხვევას მოტომრბოლელი, საქართველოს ორგზის ჩემპიონი დავით რობანიშვილი ემსხვერპლა

ალექსანდრ ვუჩიჩმა სერბეთის პრეზიდენტის პოსტი დატოვა

რუსეთის საჰაერო დარტყმების შედეგად ხარკოვში 22 ადამიანი დაშავდა, ხოლო კიევში - ოთხი