საქართველოს ეკონომიკისა და მდგრადი განვითარების სამინისტროს სსიპ ინოვაციებისა და ტექნოლოგიების სააგენტო და საქართველოს საპარტნიორო ფონდი ინოვაციური ბიზნესის ხელშეწყობის პროგრამის ,,სტარტაპ საქართველოს" ფარგლებში დღეს პროგრამის პრეზენტაციით ბათუმს ესტუმრნენ. ადგილობრივებთან შეხვედრა ბათუმის ზ. ფალიაშვილის სახელობის სამუსიკო სკოლის დარბაზში გაიმართა, რასაც მოსახლეობის მხრიდან დიდი დაინტერესება მოჰყვა. პრეზენტაციის განმავლობაში მათ საშუალება მიეცათ კითხვა-პასუხის რეჟიმში მიეღოთ ამომწურავი ინფორმაცია და გაცნობოდნენ ,,სტარტაპ საქართველოს" ყველა მოთხოვნასა და პირობას.

პროგრამისთვის უმნიშვნელოვანესია საქართველოს რეგიონების მაქსიმალური ჩართულობა. შეხვედრები უკვე გაიმართა ახალციხეში, ახალქალაქში, მცხეთაში, გორში, თელავში, რუსთავში, მარნეულსა და ბათუმში. შემდეგი შეხვედრები დაგეგმილია ოზურგეთსა და ზუგდიდში (12 ივლისი), ქუთაისსა და ამბროლაურში (13 ივლისი).

,,სტარტაპ საქართველო" მთავრობის 4 პუნქტიანი გეგმის ფარგლებში ხორციელდება. საინვესტიციო პროგრამა ინვესტიციის სახით ინოვაციური იდეის მქონე მოქალაქეს აძლევს საუშუალებას მოახდინოს იდეის გენერირება და დაიწყოს მუშაობა წარმოების შექმნასა და ბიზნესის განვითარებაზე. საჭიროა ქვეყანაში ბიძგი მიეცეს მსგავს წამოწყებებს და მოქალაქეებს ჰქონდეთ საშუალება და შანსი განახორციელონ იდეა პრაქტიკულად. პროგრამა ,,სტარტაპ საქართველო" მაქსიმალურად კომფორტულ პირობებს უქმნის ინოვატორ ადამიანებს, რათა ქვეყანაში განვითარდეს აღნიშნული სფერო და აისახოს მისი დადებითი ეფექტი ქვეყნის სწრაფი განვითარებაზე.

ინფორმაციული ტექნოლოგიებისა და ინოვაციური ეკოსისტემის განვითარების სტრატეგიის ფარგლებში, მთავრობის მიერ გატარებული ყველა ამ ღონისძიების საბოლოო მიზანი ქვეყანაში საერთო სამეწარმეო გარემოს შექმნა და ახალგაზრდა, დამწყები ბიზნესმენების წახალისებაა.

,,სტარტაპ საქართველო" 17 ივნისს დაიწყო და მისი განმახორციელებლები საქართველოს ეკონომიკისა და მდგრადი განვითარების სამინისტროს სსიპ ინოვაციებისა და ტექნოლოგიების სააგენტო და საპარტნიორო ფონდი არიან.  უნიკალური მაღალტექნოლოგიური ინოვაციური იდეის შემთხვევაში, რომელსაც ინოვაციებისა და ტექნოლოგიების სააგენტო აფინანსებს, განაცხადების მიღება პროექტის გამოცხადებიდან 30 დღის განმავლობაშია  შესაძლებელი. ყველა დაინტერესებული ადამიანისათვის ტექნოპარკში მოქმედებს ფრონტ ოფისი, რომელიც მათ გაუწევს კონსულტაციას აპლიკაციის შევსებაში და მიაწვდის ამომწურავ ინფორმაციას პროგრამის შესახებ. რეგიონებში პრეზენტაციების წარდგენისას კი ადგილობრივ მოსახლეობას ეძლევა საშუალება კითხვა-პასუხის რეჟიმში მიიღოს ამომწურავი ინფორმაცია პროგრამის პირობებისა და განცხადებების მიღების შესახებ, მიიღონ რჩევები და გაუჩნდეთ მოტივაცია განავითარონ იდეა და შეიტანონ წვლილი ქვეყნის განვითარებაში.

შეგახსენებთ, რომ ,,სტარტაპ საქართველოს" მაღალტექნოლოგიური ბიზნეს იდეების მიღების ბოლო თარიღი 17 ივლისია,  ინოვაციური პროექტებისა კი 31 ივლისი. მიღებულ განაცხადებს სილიკონ ველის ექსპერტები  2 კვირის განმავლობაში განიხილავენ, რომელთა ვიზიტი საქართველოში  22-დან 27 აგვისტომდეა დაგეგმილი.  განხილვისა და შეფასების შემდეგ გამარჯვებული პროექტები აგვისტოს თვის ბოლოს გამოვლინდება. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს