ჩამორთმეულ ქონებებზე შემოსული საჩივრების რაოდენობა 700-მდეა და ამ საქმეების გამოძიება პარალელურ რეჟიმში მოხდება, - ამის შესახებ მთავარმა პროკურორმა გიორგი ბადაშვილმა სამართალწარმოების პროცესში ჩადენილი დანაშაულის გამოძიების დეპარტამენტის პრეზენტაციის შემდეგ ჟურნალისტებს განუცხადა.

როგორც ბადაშვილმა აღნიშნა, დეპარტამენტი იმ საჯარო მოხელეთა და მათთან გათანაბრებულ პირთა საქმეებს გამოიძიებს, რომლებზეც არსებულ განცხადებებში გარკვეული პრეტენზიები არსებობს.

„ეს მნიშვნელოვანი დეპარტამენტია თითოეული ჩვენთაგანისთვის. ეს დეპარტამენტი ორიენიტრებული იქნება 2012 წლის 1 ოქტომბრიდან 2015 წლის 1 იანვრამდე შემოსულ განცხადებებზე. ეს დეპარტამენტი იმ საჯარო მოხელეთა და მათთან გათანაბრებულ პირთა საქმეებს გამოიძიებს, რომელზეც არსებულ განცხადებებში გარკვეული პრეტენზიები არსებობს. შევეცადეთ გაგვეთვალისწინებინა საზოგადოების მაღალი ინტერესი და ამ დეპარტამენტში დავასაქმეთ ისეთი პირები, რომლებზეც სამართალდამცავებს არანაირი პრეტენზია არ აქვთ. ეს მათ მიმართ ნდობას გაზრდის“, - განაცხადა ბადაშვილმა.

მისივე ინფორმაციით, პროკურატურაში 52 000-ზე მეტი საჩივარია შესული.

„შემოსული განცხადებების დიდი ნაწილი შესწავლილია. სულ შემოსულია 52 000-ზე მეტი განცხადება. ეს განცხადებები შესწავლილია და დახარისხებულია. რაც შეეხება ქონების ჩამორთმევის საკითხებს, სულ 700-მდე საჩივარია შემოსული. ამ საქმეების გამოძიება იმ რესურსების გათვალისწინებით დაიწყება, რაც დეპარტამენტს გააჩნია. შემოსული განცხადებების გამოძიება პარალელურ რეჟიმში, ვგულისხმობ, მაგალითად ქონების ჩამორთმევის საქმეებს, რომელიც 700-მდეა, პარალელურ რეჟიმში მოხდება. გეტყვით, რომ ყველა საქმის გამოძიებას შესაბამისი პერიოდი სჭირდება“, -განაცხადა გიორგი ბადაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ რუსეთის რამდენიმე ქალაქის ნავთობგადამამუშავებელი ქარხანა, რაკეტების მწარმოებელი და ოზონის საწყობები დაბომბა

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება