საქართველოს თავდაცვის მინისტრის თინა ხიდაშელის განცხადებით, დღეს ქვეყნის თავდაცვისა და უსაფრთხოების კუთხით ერთ-ერთი ყველაზე მნიშვნელოვანი დღეა, - ამის შესახებ თინა ხიდაშელმა ამერიკის შეერთებულ შტატებთან სტრატეგიული პარტნიორობის მიზნით  გაფორმებულ მემორანდუმთან დაკავშირებით განაცხადა.

როგორც ხიდაშელმა აღნიშნა, დღეს მოხდა ძალიან მნიშვნელოვანი ახალი ტიპის შეთანხმების დადება ამერიკულ მხარესთან.

"ამ შეთანხმების არსი მდგომარეობს იმაში რომ საქართველომ დღეს პირველად, 25 წლის განმავლობაში,  ხელი მოაწერა მემორანდუმს ტერიტორიული თავდაცვის საქმეში ამერიკული მხარის დახმარების შესახებ. საქართველოს შეიარაღებული ძალების დახმარება ძირითადად იყო საერთაშორისო მისიებთან დაკავშირებული. საქართველოს ნატოში გაწევრიანების გეგმებთან პირდაპირ მიბმული. დღეს ამით დამატებით მივიღეთ ახალი შეთანხმება, რომლის ამოცანაა ქართული სახელმწიფოს მიერ საკუთარ ტერიტორიაზე თავდაცვის მიზნების განხორციელებაში მხარის ფუნდამენტური და მნიშვნელოვანი დახმარების მიღება. ეს არის ამ მემორანდუმის ყველაზე მთავარი გზავნილი", - განაცხადა თინა ხიდაშელმა.

ამასთან, როგორც ხიდაშელმა განმარტა 2016 წლის ბოლომდე აღნიშნული მემორანდუმის განხორციელება დაიწყება.

"2008 წლის შემდეგ ერთგვარი ემბარგო იყო დაწესებული საქართველოსთვის იარაღის შესყიდვასთან დაკავშირებით. ქერიმ ხაზგასმით აღნიშნა, რომ ამ თვალსაზრისითმხარდაჭერა იქნება ერთ-ერთი მთავარი ამოცანა. მეორე ეს არის ტექნიკური პერსონალის მოზმადება და მესამე სპეციალური პროგრამები სწორედ ქვეყნის ტერიტორიების თავდაცვის უზრუნვეყოფის მიზნით დაიგეგმება ამერიკულ მხარესთან. 2016 წლის ბოლომდე დავიწყებთ ამ მეორანდუმის რეალურ ცხოვრებაში განხორციელებას. მთავარი ამბავია, რომ ჩვენ მივიღეთ ახალი ინსტრუმენტი საქართველოს ტერიტორიული დაცვის ღონისძიებების მხარადაჭერისთვის. არასდროს ჩვენ ასეთი რამ არ გვქონია", - განაცხადა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია