ორივე კვლევაში გარკვეული სუბიექტივიზმი შეიმჩნევა, - ასე აფასებს პოლიტოლოგი ვახტანგ ძაბირაძე „ქართული ოცნების“ შიდა კვლევებს და ამერიკულ-გერმანული ორგანიზაციის GFK-ის მიერ ჩატარებული გამოკითხვის შედეგებს.

როგორც ძაბირაძემ „ექსპრესნიუსს“ განუცხადა, „ნაციონალური მოძრაობის“ სურვილი, რომ მათი მხარდამჭერების რაოდენობა იზრდება, სიმართლეს არ შეესაბამება.  

რაც შეეხება „ქართულ ოცნებას“, პოლიტოლოგი მიიჩნევს, რომ პრემიერ-მინისტრმა გიორგი კვირიკაშვილმა, პარტიის რეიტინგის ვარდნის შეჩერება შეძლო, „თუმცა „ქართულ ოცნებას“ თუ უნდა, რომ ამომრჩეველი შემოაბრუნოს, მათ საკმაოდ დიდი მუშაობა მოუწევთ“.

„იმის თქმა, რომ კვლევები არის ობიექტური, არ იქნება მართებული. ერთგანაც და მეორეგანაც გარკვეული სუბიექტივიზმი შეიმჩნევა. შეიძლება ვილაპარაკოთ ზოგად ტენდენციებზე.  „ნაციონალური მოძრაობის“ სურვილი თუ ქადაგება, რომ იზრდება მათი მხარდამჭერების რაოდენობა, ჩემი აზრით სიმართლეს არ შეესაბამება მარტივი ლოგიკური მიზეზის გამო. ვერ დამისახელებთ მიზეზს, რომ ბოლო ნახევარი წლის განმავლობაში „ნაციონალურმა მოძრაობამ“  ამომრჩეველი თავისკენ შემოაბრუნა. ზოგადად, „ნაციონალურ მოძრაობას“ 10%-იანი მხარდაჭერა  ყოველთვის ჰქონდა და  ამ საპარალამენტო არჩევნებშიც ექნება.  რაც შეეხება „ქართულ ოცნებას“,  „ქართული ოცნების“ რეიტინგი ეცემა.  არ მგონია 30%-დან  35%- მდე უჭერდეს მხარს ამომრჩეველი. მგონია, რომ ესეც ცოტა გადაჭარბებულია. მაგრამ ფაქტი ერთია, რომ „ქართული ოცნების“  რეიტინგის ვარდნა შეჩერდა. „ოცნების“ რეიტინგი დასტაბილურდა, ეს შესაძლოა 30%-ის ფარგლებში იყოს, ეს უფრო რეალური ჩანს არა როგორც ჩატარებული კვლევებიდან, არამედ ჩემი შეხედულებიდან   და ქვეყენაში არსებული  ვითარებიდან გამომდინარე. გიორგი კვირიკაშვილმა „ქართული ოცნების“ რეიტინგის ვარდნის შეჩერება შეძლო. „ქართულ ოცნებას“ თუ უნდა, რომ ამომრჩეველი შემოაბრუნოს, მას საკმაოდ დიდი მუშაობა მოუწევს. პრობლემა იქნება უმრვლესობით მოსვლა „ქართულ ოცნებაში“. ჯერჯერობით,  ყოველშემთხვევაში ასეთი ვითარებაა“, - განუცხადა „ექსპრესნიუსს“ ვახტანგ ძაბირაძემ.

ცნობისთვის, სოციოლოგ ზურაბ ბიგვავას განცხადებით, "ქართული ოცნების" შიდა კვლევის თანახმად, პარტია "ქართულ ოცნებას" 35%-იანი, ხოლო "ნაციონალურ მოძრაობას" 13%-იანი რეიტინგი აქვს.

რაც შეეხება გერმანულ-ამერიკული ორგანიზაცია GFK-ის სოციოლოგიური კვლევის შედეგებს, მათი მონაცემებით, 8 ოქტომბრის საპარლამენტო არჩევნებში ”ქართულ ოცნებას” ხმას გამოკითხულთა 22,4 %, ”ნაციონალურ მოძრაობას” კი 21,7 % მისცემდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია