ალიანსი ნატო-საქართველოს არსებით პაკეტს გააძლიერებს, - ამის შესახებ ინფორმაცია ნატო-ს ოფიციალურ ვებ გვერდზეა გამოქვეყნებული.

როგორც განცხადებაშია ნათქვამი, ნატო გააგრძელებს აღმოსავლეთით თავისი პარტნიორების - უკრაინის, საქართველოსა და მოლდოვის რესპუბლიკის თავდაცვისუნარიანობის გაძლიერებასა და მდგრადობის განმტკიცებას

“ნატო გააგრძელებს აღმოსავლეთით თავისი პარტნიორების - უკრაინის, საქართველოსა და მოლოდვის რესპუბლიკის თავდაცვისუნარიანობის გაძლიერებასა და მდგრადობის განმტკიცებას, რათა მათ გარე ზეწოლას გაუძლონ და რეფორმები გააგრძელონ. ნატო გააძლიერებს უკრაინის პოლიტიკურ და პრაქტიკულ მხარდაჭერას დახმარების ყოველისმომცველი პაკეტით. ის გააძლიერებს ნატო-საქართველოს არსებით პაკეტს”,  - ნათქვამია ჩრდილოატლანტიკური ალიანსის განცხადებაში.

გარდა ამისა, ნატო საქართველოსთან შავი ზღვის რეგიონში უსაფრთხოების უზრუნველსაყოფად მუშაობას გააგრძელებს.

“ნატო გააგრძელებს მჭიდრო მუშაობას ისეთ პარტნიორებთან, როგორიცაა ფინეთი, შვედეთი და საქართველო, რომლებსაც  მნიშვნელოვანი წვლილი შეაქვთ სტრატეგიულად მნიშვნელოვანი ბალტიისა და შავი ზღვის რეგიონების უსაფრთხოების უზრუნველყოფაში”, - ნათქვამია განცხადებაში.

აღნიშნული განცხადების თანახმადად, ვარშავის სამიტი ჩრდილოატლანტიკური ალიანსის უსაფრთხოებისთვის გადამწყვეტ მომენტში გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია