„ასეთი გადაწყვეტილებების მიღებისას,  მინიმუმ კარგი, უწყებათაშორისი ტექნიკური მომზადება უნდა იყოს გავლილი“,-ამის შესახებ პრემიერ-მინისტრმა გიორგი კვირიკაშვილმა  თავდაცვის მინისტრის ბრძანებასთან დაკავშირებით განაცხადა, რომლის თანახმადაც  ჯარში სავალდებულო გაწვევა გაუქმდა.

კვირიკაშვილის თქმით, ასეთი გადაწყვეტილებები არის მრავალგანზომილებიანი და არაერთი უწყების ჩართულობას მოიცავს.

პრემიერი ფიქრობს, რომ ეს დაკავშირებულია  ფინანსებთან და ასეთი გადაწყვეტილებების  გახმოვანება არ ხდება წინასწარი, ტექნიკური მომზადების გარეშე.

 „რა თქმა უნდა, ეს გადაწყვეტილება, რომ, ზოგადად, ჩვენ ამ მიმართულებით მივდივართ, ცნობილია, მაგრამ ასეთი გადაწყვეტილებები არ მიიღება პრესკონფერენციებსა თუ პრესბრიფინგებზე. ნორმალური ფორმატია, რომ როდესაც ასეთ გადაწყეტილებას იღებ, უნდა იყოს გავლილი, მინიმუმ კარგი, უწყებათაშორისი ტექნიკური მომზადება. ამაზე იყო საუბარი. მგონია, ეს გაუგებრობა უნდა ამოვწუროთ. თინასაც, ალბათ ვურჩევ, სჯობს, სამუშაო რეჟიმში გადავიდეთ ამ საკითხის გასარკვევად", - აღნიშნა კვირიკაშვილმა.

ამასთან, კვირიკაშვილის განმარტებით, ეს არ არის საყოველთაო გაწვევის გაუქმება.

მისივე თქმით, ამ ტიპის გადაწყვეტილებებით, თავდაცვის მინისტრი უარს ამბობს დამატებით კონტინგენტზე.

"ვფიქრობ, მთელი ეს ფორმატი, გადაწყვეტილების იმპლემენტაციის, ანუ დანერგვის პროცესში, უნდა იქნას გავლილი და ეს არ არის ის, რომ სტრატეგიულ მიმართულებაში არის მიღებული ეს გადაწყვეტილება“,-აღნიშნა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია