ბუენოს აირესში არგენტინის იუსტიციის სამინისტროში თეა წულუკიანი სამართლის სფეროს ექსპერტებს შეხვდა.

იუსტიციის სამინისტროს ინფორმაციით, მრგვალი მაგიდის ფარგლებში მინისტრმა ექსპერტებს ღია მმართველობის სფეროში მიღწეული წარმატების შესახებ ამომწურავი ინფორმაცია მიაწოდა.

თეა წულუკიანმა ისაუბრა იმის თაობაზე, თუ როგორ მიაღწია საქართველომ ღია მმართველობის პარტნიორობის თანათავმჯდომარეობას, რა გზა გაიარა და რა რეფორმები გაატარა კორუფციის დამარცხებისა და მთავრობის ანგარიშვალდებულებისათვის.

შეხვედრაზე მინისტრმა ექსპერტებს იუსტიციის სახლებისა და საზოგადოებრივი ცენტრების კონცეფციაც წარუდგინა.

„ჩემი მიზანია, ქალაქისა და სოფლის მოსახლეობას თანაბარი შესაძლებლობები ჰქონდეს, როცა საქმე სახელმწიფო სერვისების მიღებას ეხება. სწორედ ამიტომ ავაშენეთ 34 ქართულ სოფელში საზოგადოებრივი ცენტრი, ხოლო დიდ ქალაქებში იუსტიციის სახლების შენებას განვაგრძობთ“, − განაცხადა თეა წულუკიანმა.

გარდა ამისა, მინისტრმა ექსპერტებს ინფორმაცია მიაწოდა ანტიკორუფციული საბჭოსა და სხვა უწყებათაშორისი საბჭოების შესახებ, რომელთაც იუსტიციის მინისტრი ხელმძღვანელობს, და რომლებიც კონკრეტული პრობლემების გადასაჭრელად მოქნილი ინსტრუმენტია უწყებების ეფექტური მუშაობისთვის. შეხვედრის დასრულებისას გადაწყდა, რომ ღია მმართველობის პარტნიორობის ფარგლებში არგენტინისა და საქართველოს მონაწილეობით კონფერენცია გაიმართება, სადაც არგენტინის სამთავრობო და არასამთავრობო სექტორს ღია მმართველობის სფეროში საქართველოს გამოცდილების გაზიარების შესაძლებლობა ექნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია