16-17 ივნისს სასტუმრო „რედისონ ბლუ ივერიაში“ ჩატარდა დსთ-ს, ბალტიის და კავკასიის ქვეყნების ფასიანი ქაღალდების რიგით მე-13 კონგრესი. აღნიშნული ღონისძიების სპონსორია პაშა ბანკი, რომელიც რეგიონში კორპორატიულ და საინვესტიციო მომსახურებას სთავაზობს საშუალო და მსხვილი ზომის საწარმოებს.

აღნიშნული კონგრესი 2004 წლიდან იმართება და რეგიონის საფინანსო სფეროს ერთ-ერთი წამყვანი ღონისძიებაა. აქ განიხილება ისეთი საკითხები, როგორიცაა:   რუსეთის, დსთ-ს და კავკასიის ქვეყნების ობლიგაციების შიდა ბაზრების განვითარება, ასევე ევროობლიგაციების ინტეგრირება განვითარებად ბაზრებზე და ფასიან ქაღალდებთან დაკავშირებული სხვა აქტუალური საკითხები.

კონგრესის სპიკერებს შორის იყვნენ: საქართველოს ეროვნული ბანკის ვიცე პრეზიდენტი არჩილ მესტვირიშვილი, საქართველოს ეკონომიკისა და მდგრადი განვითარების მინისტრის მოადგილე ნიკოლოზ გაგუა, გალტ & თაგარტის სამეთვალყურეო საბჭოს თავმჯდომარე არჩილ გაჩეჩილაძე, პაშა ბანკ აზერბაიჯანის საინვესტიციო საბანკო მომსახურების დირექტორი ივან უგლიანიცა, პაშა ბანკ საქართველოს დირექტორთა საბჭოს თავმჯდომარე და გენერალური დირექტორი შაჰინ მამმადოვი.

„მოხარული ვართ, რომ ობლიგაციების კონგრესი წელს თბილისში ჩატარდა და პაშა ბანკს მიეცა საშუალება, აქტიურად ჩართულიყო აღნიშნულ ღონისძიებაში. ფასიანი ქაღალდების ემისია და სხვა სახაზინო ოპერაციები ჩვენი ბანკის ერთ-ერთი მნიშვნელოვანი მიმართულებაა და საქართველოში ამ კუთხით უკვე გვაქვს წარმატებული გამოცდილება ჩვენს პარტნიორ კომპანიებთან ერთად. ვიმედოვნებთ, რომ ეს კონგრესი დადებითად აისახება რეგიონში საფინანსო სექტორის განვითარებაზე.“ - განაცხადა შაჰინ მამმადოვმა, პაშა ბანკის დირექტორთა საბჭოს თავმჯდომარემ და გენერალურმა დირექტორმა.

ფასიანი ქაღალდების 2-დღიან კონგრესს ესწრებოდა  საფინანსო სექტორის 150-მდე წარმომადგენელი სხვადასხვა ქვეყნიდან. კონგრესის ორგანიზატორი იყო „CBonds“, ხოლო მასპინძელი „გალტ & თაგარტი“.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა