ქ. ქუთაისში, შემოსავლების სამსახურის საგადასახადო მონიტორინგის დეპარტამენტის მონიტორინგის სამმართველოს დასავლეთის განყოფილების ოფიცრებმა, საქართველოს საგადასახადო კოდექსის 286-ე მუხლის პირველი ნაწილით გათვალისწინებული შემთხვევების მონიტორინგის მიზნით, ელექტრონულ სასაქონლო ზედნადებზე გადაამოწმეს  ავტომანქანა, რომლითაც ხორციელდებოდა ერთ-ერთი შეზღუდული პასუხისმგებლობის საზოგადოების სამეწარმეო საქმიანობისთვის განკუთვნილი საქონლის ტრანსპორტირება. გადამოწმების დროს გამოვლინდა, რომ საწარმოს მიერ სამ ფიზიკურ პირზე არაერთგზის იყო გამოწერილი ელექტრონული სასაქონლო ზედნადებები სამეწარმეო საქმიანობისთვის განკუთვნილი საქონლის მიწოდებაზე. შესაბამისად, საქონლის რაოდენობიდან და ღირებულებიდან გამომდინარე, მონიტორინგის სამმართველოს ოფიცრებმა მიიჩნიეს, რომ ზემოხსენებული სამი ფიზიკური პირი სამეწარმეო საქმიანობას ახორციელებდა გადასახადის გადამხდელად აღრიცხვის საქართველოს კანონმდებლობით დადგენილი წესის დარღვევით. მათ ფიზიკური პირების მიმართ შეადგინეს საგადასახადო სამართალდარღვევის ოქმები საქართველოს საგადასახადო კოდექსის 273-ე მუხლის შესაბამისად. ზემოთ აღნიშნულმა ფიზიკურმა პირებმა მიმართეს შემოსავლების სამსახურს საჩივრით, სადაც ისინი აღნიშნავენ, რომ არ ახორციელებენ არანაირ სამეწარმეო საქმიანობას და არ იყვნენ ინფორმირებულები თავიანთ სახელზე გამოწერილ ელექტრონულ სასაქონლო ზედნადებებთან დაკავშირებით. მონიტორინგის ოფიცრებმა გადაამოწმეს ზემოხსენებული შპს-ის მიერ გამოწერილი ელექტრონული სასაქონლო ზედნადებები და გამოავლინეს, რომ საწარმოს მიერ გარკვეულ პერიოდში გადასახადის გადამხდელად არარეგისტრირებულ 75 ფიზიკურ პირზე გამოწერილია 1666 ერთეული მიწოდების ოპერაციის ამსახველი ელექტრონული სასაქონლო ზედნადები, რომელთა ჯამური ღირებულება შეადგენს 328 926,3 ლარს.

შემდგომი რეაგირების მიზნით, საქართველოს საგადასახადო კოდექსის 271–ე მუხლის მე–7 ნაწილის გათვალისწინებით, საქმეზე არსებული მასალები გადაეგზავნა საქართველოს ფინანსთა სამინისტროს საგამოძიებო სამსახურს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება