საქართველოს საპატრიარქოში სასაცილოს  უწოდებენ ინფორმაციას, თითქოს მსოფლიო კინოვარსკვლავმა სოფი ლორენმა ილია მეორესთან შეხვედრაზე უარი თქვა.

როგორც "ექსპრესნიუსს" საპატრიარქოს პრესსამსახურში განუცხადეს, სოფი ლორენმა ილია მეორესთან შეხვედრის სურვილი თავად გამოთქვა, თუმცა შეუძლოდ გახდა და პატრიარქის სანახავად მისვლა ამიტომ ვეღარ შეძლო.

ამასთან, პრესსამსახურში აღნიშნავენ, რომ სოფი ლორენმა პატრიარქი კონცერტზე ნახა:

"როგორც წესი, საპატრიარქოში ძალით ჩვენ არავინ მოგვყავს. ისინი თავად ითხოვენ ხოლმე პატრიარქთან შეხვედარს და ამ შემთხვევაში ინიშნება შეხვედრები. ახლაც ასე იყო. ქალბატონ სოფი ლორენს ჰქონდა სურვილი პატრიარქთან შეხვედრის და ამიტომ დაინიშნა შეხვედრა, მაგრამ ვერ შეძლო, რადგან გადაღლილი იყო - რამდენადაც ვიცი, ტურბულენტულ ზონაში მოუწია ფრენა მთელი ორი საათის განმავლობაში და ამის გამო დაიძაბა და შეუძლოდ გრძნობდა თავს. ამიტომ ვერ შეძლო მოსვლა.

ჩვენ არასოდეს არავისთან არ ვითხოვთ შეხვედრას, აქეთ უთანხმდებიან პატრიარქს შეხვედრაზე, პირიქით არასოდეს ყოფილა. პატრიარქს რომ ჰქონოდა შეხვედრის სურვილი, ამ შემთხვევაში თავად მივიდოდა მასთან შესახვედრად. სოფი ლორენი დღეს, ოთხ საათზე, პრემიერთან შეხვედრის შემდეგ უნდა მოსულიყო საპატრიარქოში. თუმცა, რამდენადაც ვიცი, სოფი ლორენმა  პატრიარქი ნახა კონცერტზე", - განუცხადეს "ექსპრესნიუსს" საპატრიარქოს პრესსამსახურში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია