ორლანდოში, Disney-ის პარკში ალიგატორმა 2 წლის ბავშვი ტბაში ჩაითრია

2016-06-15 13:27:29, 1285 ნახვა

მსოფლიო

ფლორიდის შტატის პოლიცია ორი წლის ბიჭუნას ეძებს, რომელიც ალიგატორმა Disney-ის გასართობ პარკში ტბაში ჩაითრია, - ამის შესახებ Reuters წერს.

როგორც მედია საშუალება წერს, ადგილობრივი ხელისუფლების განცხადებით, ინციდენტი ქალაქ ორლანდოს გარეუბანში, Disney-ის პარკში მდებარე ხელოვნური ტბის პირას მოხდა.

ნებრასკიდან ჩასული ოჯახი 3 ბავშვთან ერთად ტბის პირას ისვენებდა, როდესაც 2 წლის ბიჭუნას ალიგატორი თავს დაესხა. მამამ შვილის გადარჩენა სცადა, თუმცა უშედეგოდ.

მედიის იფნრომაციით, ამჟამად ბავშვს 50 სამართალდამცველი და ექსპერტი ეძებს.

Disney-ის წარმომადგენელმა განაცხადა, რომ კომპანია მომხდარის გამო შეძრულია. კომპანიაში აღნიშნავენ, რომ აქამდე ალიგატორების თავდასხმა პარკში არ მომხდარა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან