"დღეს საქართველო ცალსახად აღიარებულია ლიდერად როგორც მედიის თავისუფლების კუთხით, ასევე სასამართლო თუ სხვა რეფორმების კუთხით" - ამის შესახებ საქართველოს საგარეო საქმეთა მინისტრმა მიხეილ ჯანელიძემ ტელეკომპანია „იმედის“ პირდაპირ ეთერში „რუსთავი 2“-თან დაკავშირებით დასმულ შეკითხვაზე განაცხადა.

მინისტრის განცხადებით, "რუსთავი 2”-თან დაკავშირებით პროცესი საქართველოს პარტნიორების მხრიდანაც დიდი დაკვირვების ქვეშ არის, რადგანაც ეს ერთ-ერთი შემადგენელი ნაწილია საქართველოს დემოკრატიული განვითარების.

მისივე განცხადებით, საქართველოს ხელისუფლებას არ სურს მედია გარემოს რაიმე საფრთხე შეექმნას, ასევე სარედაქციო პოლიტიკა რაიმე ზეწოლის ქვეშ იყოს. ასევე მნიშვნელოვანია, სასამართლო პროცესებში არ იყოს ჩარევა. შესაბამისად, სახელმწიფოს მხრიდან და მთავრობის მხრიდან ძირითადი მოწოდებები და მიდგომა ამ მიმართულებით არის. 

„მე ვსაუბრობ ინტერესზე, რომელიც დემოკრატიული პროცესების მიმართ არსებობს, მაგრამ ეს კითხვები არანაირად არ უკავშირდება საქართველოს ვიზალიბერალიზაციას. ცალსახად მინდა გავმიჯნო, ყოველთვის იყო და იქნება ინტერესი საერთაშორისო საზოგადოების მხრიდან და პარტნიორების მხრიდან საქართველოში მიმდინარე დემოკრატიულ პროცესებთან დაკავშირებით. დღეს საქართველო ცალსახად აღიარებულია ლიდერად როგორც მედიის თავისუფლების კუთხით, ასევე სასამართლო თუ სხვა რეფორმების კუთხით“, - აღნიშნა მინისტრმა.

ჯანელიძის თქმით, საქართველოსთან დაკავშირებით ვიზალიბერალიზაციის საკითხი ევროკავშირში მიმდინარე კრიზისიდან და პროცესებიდან გამომდინარე წყდება.

„ჩვენ დარწმუნებული ვართ, რომ საქართველოსთან მიმართებაში შესაბამისი პროცედურების გავლის შემდეგ გადაწყვეტილება მიღებული იქნება“, - განაცხადა მიხეილ ჯანელიძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა

კომუნიკაციების კომისია სარედაქციო დამოუკიდებლობაში ჩაერია და „ტვ პირველი“ 2500 ლარით დააჯარიმა

თსსუ-ს საუნივერსიტეტო კლინიკიდან ვარდნის შედეგად ქალი დაიღუპა