„ერთი კვირის განმავლობაში ინდივიდუალურად, თითოეული მსესხებლის შესწავლის შესაბამისად, შევეცდებით არსებულ რეალობას ფასის ახალი გადახდის გრაფიკი მოვარგოთ, - ამის შესახებ „თიბისი ბანკის“ გენერალურმა დირექტორმა ვახტანგ ბუცხრიკიძემ ეროვნულ ბანკში გამართული შეხვედრის შემდეგ ჟურნალისტებს განუცხადა.

მისივე განმარტებით, შეღავათები შეეხება მხოლოდ ფიზიკურ პირებს, რომლებსაც სესხი დოლარში, შემოსავალი კი, ლარში აქვთ.

ბუცხრიკიძის თქმით, საპროცენტო განაკვეთის შემცირებაზე საუბარი არ არის.

„შეხვედრა საკმაოდ საინტერესო იყო. მას ყველა კომერციული ბანკის დირექტორები ესწრებოდნენ. ძირითადად რამდენიმე თემას შევეხეთ. ერთ-ერთი იყო კურსი, მეორე თემა ეხებოდა იმ ფიზიკურ პირებს, რომლებსაც სესხები აქვთ უცხოურ ვალუტაში, ხოლო შემოსავლები ლარში. კარგია, რომ ძირითადად სექტორი სამომხმარებლო სესხების უმეტესი ნაწილი ლარებშია. საუბარია მხოლოდ იმ ნაწილზე სამომხმარებლო სესხებისა, რომლებიც უცხოურ ვალუტაშია. ძირითადად ეს შეეხება იპოთეკურ სესხებს, რომლებიც უცხოურ ვალუტაშია და იმ ადამიანებს, რომლებსაც შემოსავლები ადგილობრივ ვალუტაში აქვთ. შევთანხმდით, რომ ერთი კვირის განმავლობაში, ინდივიდუალურად, თითოეული მსესხებლის ანალიზის შესაბამისად, შევეცდებით გავითვალისწინოთ რეალობა და არსებულ რეალობას ახალი გადახდის გრაფიკი მოვარგოთ. შევეცდებით, რომ თუ ადამიანი იხდიდა განსაზღვრულ რაოდენობას ყოველთვიურად, ვიმსჯელოთ იმაზე, რამდენად შესაძლებელია, რომ აღვუდგინოთ ის გრაფიკი. საუბარი იქნება თითოეული მსესხებლის მიხედვით, რამდენად მოხდება გრაფიკის გაგრძელება, რომ ყოველთვიური გადახდები  დაახლოებით იმ ფარგლებში დარჩეს, რაც ჰქონდათ რამდენიმე თვის წინ. რაც შეეხება საპროცენტო განაკვეთს, მის შემცირებაზე საუბარი არ არის“, - განაცხადა ვახტანგ ბუცხრიკიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა