იმ მოქალაქეებს, რომლებსაც სამომხმარებლო სესხი დოლარში, შემოსავალი კი ლარში აქვთ, ყოველთვიური სესხი მომსახურების ტვირთის გადახდა გაუადვილდებათ, - შესაბამისი გადაწყვეტილება ეროვნული ბანკის თავმჯდომარის გიორგი ქადაგიძისა და საქართველოში მოქმედი კომერიცული ბანკების წარმომადგენლების შეხვედრაზე მიიღეს.

როგორც ქადაგიძემ ჟურნალისტებს განუცხადა, ბანკებს დაევალათ ერთი კვირის განმავლობაში წარადგინონ გეგმა, რომლებიც ასახავს, თუ რა მიდგომები ექნებათ მათ ასეთი კლიენტების მიმართ.

 მისივე განმარტებით, საუბარია სესხის ვადიანობის გაგრძელებაზე, რათა ასეთმა მოქალაქეებმა გარკვეული ტიპის შვება იგრძნონ.

„გავიარეთ სხვადასხვა საკითხები, მათ შორის ყველაზე მნიშვნელოვანი, როგორ შევუმსუბუქოთ ტვირთი მოსახლეობის იმ ნაწილს, რომელსაც სესხი დოლარში, შემოსავალი კი ლარში აქვთ. ბანკებს დაევლათ ერთი კვირის განმავლობაში წარმოადგინონ გეგმები, რომლებიც ასახავს, თუ რა მიდგომები ექნებათ მათ ასეთ კლიენტებთან და იყვნენ მაქსიმალურად მოქნილები. საუბარია სესხის გაგრძელებაზე, სხვა ტიპის რესტრუქტურიზაციაზე იმისთვის, რომ ყოველთვიური მომსახურების თანხა შემცირდეს, რათა რაღაც ტიპის შვება იგრძნონ იმ ადამიანებმა, ვისაც სესხი აქვს დოლარში, შემოსავალი კი ლარში. იქამდე, სანამ სავალუტო შემოდინებები და ფუნდამენტური ფაქტორები აღდგება, როდესაც ლარს ექნება გამყარების ტენდენცია, იქამდე იქნება გარკვეული შვება ამ ადამიანებისთვის. ყველა ბანკი ამ მიმართულებით მოქნილი იქნება, ყველა ბანკისგან გვექნება გეგმები ერთ კვირაში“, - განაცხადა გიორგი ქადაგიძემ.

კითხვაზე, რამდენად მისაღებია კომერციული ბანკებისთვის აღნიშნული გადაწყვეტილება, ქადაგიძემ განაცხადა, რომ არც ერთ ბანკს განსაკუთრებული პროტესტი არ გამოუხატავს.

"

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა