საქართველოს პრემიერ-მინისტრის, გიორგი კვირიკაშვილის დიდ ბრიტანეთში სამუშაო ვიზიტის ფარგლებში, დღეს ლონდონში საქართველოს საინვესტიციო ფორუმი ტარდება, სადაც პრემიერ-მინისტრი 130-მდე პოტენციურ ინვესტორს სიტყვით მიმართავს.

კვირიკაშვილი ინვესტორებს საქართველოს საინვესტიციო პოტენციალსა და მიმდინარე პროექტებში ინვესტირების შესაძლებლობებს გააცნობს.

ღონისძიება ეროვნული საინვესტიციო სააგენტოსა და ბრიტანეთში საქართველოს საელჩოს მიერ ბრიტანეთის უდიდესი კომერციული ბანკის “Barclays”-ის, შვეიცარიული ფინანსური კონგლომერატის „UBS“-ისა  და უმსხვილესი ამერიკული საინვესტიციო ბანკის „J.P. Morgan“-ის მხარდაჭერით დაიგეგმა.

ღონისძიებას ესწრებიან წამყვანი ბრიტანული საინვესტიციო ფონდების, ბანკებების, ფინანსური ინსტიტუტებისა რეგიონში პროექტების განხორციელებით დაინტერესებული კერძო ბიზნესის წარმომადგენლები.

ფორუმის მონაწილეები არიან ასევე მსხვილი ქართული კომპანიების ხელმძღვანელი პირები, რომელთაც ღონისძიების ოფიციალური ნაწილისა და პრეზენტაციების შემდეგ საშუალება მიეცემათ B2B ფორმატის სესიისას პირისპირ შეხვედრები გამართონ ბრიტანულ კომპანიებთან, გააცნონ თავიანთი მიმდინარე და სამომავლო საინვესტიციო პროექტები და განიხილონ თანამშრომლობის პერსპექტივები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

GASOLINE - Reckless-ისა და Tegeta-ს ლიმიტირებული კოლექცია უკვე ხელმისაწვდომია

მორიგი ჯილდო The Digital Banker-ისგან - საუკეთესო საკრედიტო ბარათი მაღალშემოსავლიანი სეგმენტის მომხმარებლებისთვის აღმოსავლეთ ევროპაში

განათლების სამინისტრო - ინფორმაცია სკოლის ტერიტორიების გასხვისებასთან დაკავშირებით, არის სრული სიცრუე

ეროვნული ბანკი სესხების გაცემის წესი გამკაცრებას „მაღალი ეკონომიკური ზრდითა და შედეგად გაზრდილი ხელფასებით“ ხსნის