ალასანია: დიდ ბიზნესებს არ ეძლევა განვითარების საშუალება, ივანიშვილი და მისი გუნდი აფერხებს მას

2016-05-10 23:58:39, 812 ნახვა

ეკონომიკა

"დიდ ბიზნესებს არ ეძლევა განვითარების საშუალება, ივანიშვილი და მისი გუნდი აფერხებს მას" - ამის შესახებ "თავისუფალი დემოკრატების" ლიდერმა ირაკლი ალასანიამ გადაცემა "არჩევანში" განაცხადა.

"თავისუფალი დემოკრატების" ლიდერის განცხადებით, ინვესტიციას ევროპიდან მოჰყვება თამაშის წესები, რომელიც ქართული ოცნებისთვის არის მიუღებელი. ეს კი ივანიშვილს არ აწყობს და ამიტომ მმართველი ძალა ინვესტიციის შემოსვლას აფერხებს.

“არ ეძლევა საშუალება დიდ ბიზნესებს განვითარების, არ ეძლევათ საშუალება დიდ ინვესტორებს შემოსვლის. ბიძინა ივანიშვილი და მისი ეკონომიკური გუნდი საგანგებოდ აფერხებს დიდი ინვესტიციების შემოსვლას იმიტომ, რომ ინვესტიციას ევროპიდან მოჰყვება თამაშის წესები, რომელიც მათთვის არის მიუღებელი. აქედან გამომდინარე, ჩვენი ქვეყნის შემაფერხებელი ფაქტორი არის ქართული ოცნება,“ - განაცხადა ალასანიამ.