სექსუალური შევიწროვება, მათ შორის შრომითი ურთიერთობების დროს, შესაძლოა, ადმინისტრაციულ სამართალდარღვევად გამოცხადდეს.

აღნიშნულს „ადმინისტრაციულ სამართალდარღვევათა კოდექსში“ ცვლილებები  ითვალისწინებს.

კანონპროექტის თანახმად, შრომითი ურთიერთობებისას სექსუალური ხასიათის ნებისმიერი არასასურველი სიტყვიერი, ან ფიზიკური ქცევა, რომელიც მიზნად ისახავს, ან იწვევს პირის ღირსების შელახვას, ან მისთვის დამამცირებელი, მტრული, ან შეურაცხმყოფელი გარემოს შექმნას - გამოიწვევს დაჯარიმებას 500 ლარის ოდენობით.

 თუ ეს ქმედება ჩადენილი იქნება, ადმინისტრაციული სახდელის დადებიდან ერთი წლის განმავლობაში - გამოიწვევს პირის დაჯარიმებას 1000 ლარის ოდენობით. თუ შრომითი ურთიერთობებისას სექსუალური ხასიათის ნებისმიერი არასასურველი სიტყვიერი, ან ფიზიკური ქცევა, ჩადენილი იქნება სამსახურებრივად დაქვემდებარებული პირის მიმართ, - გამოიწვევს პირის დაჯარიმებას 2 000 ლარით, ხოლო თუ აღნიშნული ქმედება, ჩადენილი იქნება ადმინისტრაციული სახდელის დადებიდან ერთი წლის განმავლობაში, გამოიწვევს პირის დაჯარიმებას 2 500 ლარის ოდენობით.  ცვლილებების თანახმად, სექსუალური ხასიათის ნებისმიერი არასასურველი სიტყვიერი, ან ფიზიკური ქცევა, რომელიც მიზნად ისახავს, ან იწვევს პირის ღირსების შელახვას, ან მისთვის დამამცირებელი, მტრული, ან შეურაცხმყოფელი გარემოს შექმნას, გამოიწვევს დაჯარიმებას 500 ლარის ოდენობით. თუ აღნიშნული ქმედება, ჩადენილი იქნება ადმინისტრაციული სახდელის დადებიდან ერთი წლის განმავლობაში,  პირი1000 ლარის ოდენობით თანხით  დ აჯარიმდება.

 კანონპროექტის ინიციატორები „რესპუბლიკური“ პარტიის წევრები თამარ ხიდაშელი და თამარ კორძაია არიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა