საკვები პროდუქტების ფასებმა საშუალოდ 20-30 თეთრით მოიმატა.

როგორც „ექსპრესნიუსს“ მოვაჭრეებმა განუცხადეს, ბოლო 3 დღის განმავლობაში  შაქარი 15 თეთრით, ზეთი 20-30 თეთრით გაძვირდა,  ხოლო  ერთ ტომარა პურის ფქვილზე ფასმა  5 ლარით მოიმატა.

„ლარის კურსის დავარდნამ საკვებ პროდუქტებზე ფასების ზრდა გამოიწვია. პროდუქტებზე ფასების ზრდა ბოლო 10 დღის განმავლობაში შეინიშნება. განსაკუთრებით იმ პროდუქტებზე, რომელიც უცხოეთიდან შემოდის, მაგალითად შაქარი, ზეთი, ფქვილი და ასე შემდეგ“, - აცხადებენ მოვაჭრეები.

ცნობისთვის, ლარი აშშ დოლართან მიმართებაში კიდევ გაუფასურდა. საქართველოს ეროვნულმა ბანკმა ლარის ახალი ოფიციალური გაცვლითი კურსი დაადგინა. ერთი აშშ დოლარის ოფიციალური კურსი 2.19 ლარი გახდა.
ეროვნული ბანკის მიერ დადგენილი კურსის თანახმად, ხვალიდან 1 დოლარის შეძენა 2.1971 ლარად იქნება შესაძლებელი.
ბანკთაშორის ვაჭრობის შედეგად, ეროვნული ბანკის მიერ დადგენილი კურსი, რომელიც დღეს მოქმედებდა, 2.1771 ლარს შეადგენდა. ლარის ოფიციალური გაცვლითი კურსის ცვლილებამ 0.0200 ლარი შეადგინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა