2016-05-05 15:25:28, 1404 ნახვა
მსოფლიო
ევროპის ცენტრალური ბანკი 500–ევროიან ბანკნოტებს აღარ დაბეჭდავს
ევროპის ცენტრალური ბანკი 500–ევროიან ბანკნოტებს აღარ დაბეჭდავს.
შესაბამისი გადაწყვეტილება ბანკის მმართველმა საბჭომ მიიღო.
როგორც ცენტრალური ბანკის განცხადებაშია ნათქვამი, 500–ევროიანები მაღალი ღირებულების და კომპაქტურობის გამო, ძირითადად, გაუმჭვირვალე კრიმინალურ ანგარიშსწორებებში გამოიყენება. ასე მაგალითად 1 მილიონი ევრო 500–ევროიანებით სულ რაღაც 2 კილოგრამს იწონის, მაშინ როდესაც 100–იანებით – 10 კილოგრამს, რაც ფულის უკანონო ბრუნვას აადვილებს.
500–ევროიანების ბეჭდვის დასრულება 2018 წლის ბოლოსთვის იგეგმება, როდესაც 100 და 200–ევროიანების ახალი დიზაინი იქნება წარდგენილი.
500–ევროიანი გადახდის კანონიერი საშუალები შეუზღუდავი დროის მანძილზე დარჩება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
