ევროკომისიამ თურქეთისთვის სავიზო რეჟიმის გაუქმების საკანონმდებლო ინიციატივა წარადგინა. შესაბამისი განცხადება მიგრაციის საკითხებში ევროკომისარმა დიმიტრის ავრამოპულოსმა ბრიუსელში პრესკონფერენციაზე გააკეთა.

საკანონმდებლო ინიციტივის წარდგენასთან ერთად ევროკომისიამ თურქეთის მიერ ვიზალიბრალიზაციის სამოქმედო გეგმის შესრულების შესახებ ანგარიში გამოაქვეყნა.

“თურქეთის ხელისუფლებამ მნიშვნელოვან პროგრესს მიაღწია 18 მარტს გამართული თურქეთ - ევროკავშირის სამიტის შემდეგ. თუმცა ჯერ კიდევ ბევრი სამუშაოა შესასრულებელი. იმის გათვალსიწინებით, რომ ყველა კრიტერიუმი დაკმაყოფილდება სასწრაფო წესით, ევროკომისიამ მიიღო გადაწყვეტილება წარადგინოს საკანონმდებლო ინიციატივა თურქეთსთვის სავიზო რეჟიმის გაუქმების შესახებ. რა თქმა უნდა, კომისია გააგრძელებს კრიტერიუმის შესრულების მონიტორინგს”, - განაცხადა დიმიტრის ავრამოპულოსმა.

თავის მხრივ, ევროკომისიის ვიცეპრეზიდენტმა ფრანს ტიმერმანსმა აღნიშნა, რომ ბოლო კვირების განმავლობაში თურქეთმა ვიზალიბერალიზაციის სამოქმედო გეგმის შესრულების მხრივ შთამბეჭდავ პროგრესს მიაღწია. ამავე დროს, ტიმერმანსმა აღნიშნა, რომ თურქეთს ჯერ კიდევ დარჩა დასაკმაყოფილებელი გარკვეული კრიტერიუმები.

ევროკომისარმა მიგრაციის საკითხებში და ევროკომისიის ვიცე-პრეზიდენტმა ასევე საკანონმდებლო ინიციატივა კოსოვოსთვის სავიზო რეჟიმის გაუქმების შესახებ წარადგინეს.

ცნობისთვის, კოსოვოსა და თურქეთის ვიზელიბარელიზაციის შესახებ საკანონმდებლო ინიციატივა ევროპარლამენტმა და ევროკავშირის საბჭომ უნდა დაამტკიცოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება