საქართველოს ფინანსთა მინისტრ ნოდარ ხადურის ინფორმაციით, მთავრობა სავალუტო ფონდისგან  სესხის აღებას არ აპირებს.

როგორც ხადურმა მთავრობის ადმინისტრაციაში ჟურნალისტებს განუმარტა, სავალუტო ფონდთან შეიძლებოდა ყოფილიყო კომუნიკაცია, რომ სესხი სხვა დონორებისგან აეღოთ. მისივე თქმით, ეს კონკრეტულ ინფრასტრუქტურულ პროეტქებზე მიბმული თანხებია.

"სავალუტო ფონდის მისიაა ჩამოსული.  დღეს ჩემთან ექნებათ შეხვედრა. ასევე ექნებათ შეხვედრები ეროვნულ ბანკში, ეკონომიკის სამინისტროში. ეს არის სამუშაო შეხვედრები, რომლის დროსაც განვიხილავთ ქვეყანაში მიმდინარე ეკონომიკურ პროცესებს.სავალუტო ფინდისგან ჩვენ სესხის აღებას არ ვაპირებთ. წინა კვირას ეკონომიკის მინისტრმა განაცხადა, რომ სავალუტო ფონდთან შეიძლებოდა ყოფილიყო კომუნიკაცია, რომ სხვა დონორებისაგან აგვეღო სესხი. ჯერჯერობით ვმუშაობთ. ეს არის კონკრეტულ ინფრასტრუქტურულ პროექტებზე მიბმული თანხები. ეს არ არის თანხები, რომელიც წავა ბიუჯეტში. ვსაუბრობთ იმაზე, რომ მსოფლიო ბანკისგან, აზიის განვითარების ბანკისგან ევროპის რეკონსტრუქციისა და განვითარების ბანკისგან მივიღოთ დამატებითი ინფრასტრუქტურული პროექტებისათვის შესაძლო დაფინანსება. ჩვენ ბევრი გეგმა გვაქვს და ბევრ პროექტზე ვმუშაობთ,  რომ ეკონომიკური სიტუაცია, რაც ქვეყანაშია, გამოსწორდეს და პრობლემები,  რომლებიც არის გადავლახოთ",-განაცხადა ნოდარ ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა