2016-04-27 12:29:50, 1332 ნახვა
მსოფლიო
პარიზის ტერაქტებში ბრალდებულის ექსტრადირება განხორციელდა
პარიზის ტერაქტებში ბრალდებული სალაჰ აბდესლამის ექსტრადირება განხორციელდა, - ამის შესახებ BBC იუწყება.
მედია საშუალების ინფორმაციით, აბდესლამი ბელგიელმა სამართალდამცველებმა საფრანგეთს გადასცეს, სადაც სასამართლოს წინაშე წარსდგება.
შეგახსენებთ, რომ აბდესლამი 18 მარტს, ბრიუსელში ოთხთვიანი ძებნის შემდეგ დააკავეს.
ბელგიაში დაბადებული და საფრანგეთის მოქალაქეობის მქონე 26 წლის სალაჰ აბდესლამი პარიზის ტერაქტების ერთ-ერთ გადარჩენილ მონაწილედ მიიჩნევა. ის ამავე დროს ამ თავდასხმების ორგანიზებაშიც არის ეჭვმიტანილი.
ცნობისთვის, 2015 წლის 13 ნოემბერს პარიზში განხორციელებული ტერაქტების სერიას 130 ადამიანი ემსხვერპლა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
