საბურთალოს რაიონის გამგეობამ „თბილსერვის ჯგუფთან“ ერთად დედამიწის დღესთან დაკავშირებით, თბილისის არქეოლოგიური მუზეუმისა და წმინდა ნინოს მონუმენტის მიმდებარე ტერიტორიაზე დასუფთავების აქცია გამართა.

მერიის ინფორმაციით, ღონისძიებაში სამოქალაქო განათლების პროგრამის "მომავლის თაობის" თბილისის პარტნიორი ორგანიზაცია, ფონდი თბილისის მოზარდთა სახლი და ამ პროგრამის მონაწილე 17 საჯარო სკოლის 30-მდე მოსწავლე ჩაერთო.

აქციის ფარგლებში მოზარდებმა აღნიშნული ტერიტორია გაწმინდეს და დედამიწის დღესთან დაკავშირებით მომზადებული პოსტერებით ერთგვარი გამოფენაც მოაწყეს.

ბექა მიქაუტაძემ მადლობა გადაუხადა ბავშვებსა და თბილისის მოზარდთა სახლის წარმომადგენელს ასეთი აქტიურობისათვის, რამაც უკვე ტრადიციული ხასიათი მიიღო. ანალოგიური აქცია საბურთალოს რაიონში შარშანაც გაიმართა.

“ჩვენი ურთიერთობა უკვე ტრადიციულ ხასიათს იღებს და იმედს გამოვთქვამ, რომ ჩვენ მომავალ წელსაც შევხვდებით ერთმანეთს ჩვენი პლანეტის დაცვის საერთაშორისო დღის აღსანიშნავად“, - განაცხადა ბექა მიქაუტაძემ.

აქციაში ახალგაზრდებთან ერთად საბურთალოს რაიონის გამგებელი ბექა მიქაუტაძე ჩაერთო და გამოფენილი ნამუშევრებიც დაათვალიერა. საბურთალოს რაიონის გამგეობის გამწვანების სპეციალისტმა კი მონუმენტი ეკალ-ბარდებისაგან გაწმინდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელმა თურნავამ, რეფინანსირების განაკვეთი გაეზარდა ინფლაციას დააბრალა

მეუფე იობი ეკლესიაში საგარეო ჩარევებზე: ზეწოლაც ხდება და ჩარევებიც ხდება

მონეტარული პოლიტიკის გამკაცრების შედეგად, 252 029 მსესხებელს სესხზე ყოველთვიური შენატანი გაეზრდება - „საზოგადოება და ბანკები“

2 წელიწადში პირველად, სებ-მა რეფინანსირების განაკვეთი გაზარდა - 8.25%-მდე