მროველ-ურბნელმა მიტროპოლიტმა, პატრიაქობის კანდიდატმა, მეუფე იობ აქიაშვილმა ჟურნალისტის კითხვაზე "რას ფიქრობს საგარეო ჩარევებზე საქართველოს ეკლესიაში", უპასუხა, რომ ყველამ იცის, რომ ზეწოლაც და ჩარევებიც ხდება.

მეუფე იობმა ასევე აღნიშნა, რომ მისი აზრით, საპატრიარქო წესდება შესაცვლელია და არც სასულიერო დიპლომთან დაკავშირებით და არც წლოვანებასთან დაკავშირებით შეზღუდვები არ უნდა იყოს.

"დაიკარგა დიპლომი. ნამდვილად [მოპარულია]. დღესდღეობით აღდგენილი არის უკვე. ჩემი თვალით ვნახე, საერო დიპლომიც დაკარგულია და სასულიეროდ. დამირეკეს საპატრიარქოდან, მეუფე თეოდორემ მითხრა, რომ აუცილებლად წარმოადგინეთ თქვენი სასულიერო სასწავლების დამთავრების დიპლომი. როცა წავედი, სადაც იყო და სადაც ვიცოდი რომ იყო, იქ აღარ იყო.

მე ვფიქრობ, რომ წესდება შესაცვლელია და, ალბათ, უნდა შევცვალოთ იმიტომ, რომ ეს შეზღუდვები არ უნდა იყოს არც სასულიერო დიპლომთან დაკავშირებით და არც წლოვანებასთან დაკავშირებით. მე მინდოდა, რომ მიეღოთ მონაწილეობა მეუფე დანიელსაც და მეუფე ისაიასაც.

მე ჩემი ხედვები უკვე წერილობით მაქვს დაფიქსირებული და ალბათ, გაფართოებულ სხდომაზე ვიტყვი ამას. ცვლილებები უნდა მოხდეს აუცილებლად, რეფორმები უნდა გატარდეს ძალიან ბევრი მიმართულებით. მაგალითად, ჩვენ გვაქვს რუის-ურბნისის საეკლესიო კრება და ეს კრება აუცილებლად უნდა ჩატარდეს მომავალში.

[საგარეო ჩარევებზე] ყველამ ვიცით, რომ ზეწოლაც ხდება და ჩარევებიც ხდება". - თქვა მეუფე იობმა.

ავტორი: ექსპრესნიუსი,

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი