განათლებისა და მეცნიერების მინისტრის თამარ სანიკიძის განცხადებით, მასწავლებლის ხელფასის ზრდა 2017 წელსაც იგეგმება.

როგორც სანიკიძემ მთავრობის სხდომის დასრულების შემდეგ ჟურნალისტებს განუცხადა, აღნიშნულ  პერიოდში მასწავლებლის საშუალო ანაზღაურება 800-900 ლარი იქნება.

ამასთან, მიმდინარე წლის 1 აპრილიდან მასწავლებლების საბაზო ხელფასი 50 ლარით იზრდება.

„2012 წელს ჩვენ ჩავიბარეთ საბაზო ხელფასი, რომელიც შედგებოდა 245 ლარით, დღეს და დღევანდელი ცვლილების შედეგად, ეს საბაზო ხელფასი არის უკვე 405 ლარის ოდენობით. 2016 წლის აპრილიდან, პრაქტიკოსი მასწავლებლის საშუალო ხელფასი, რა თქმა უნდა, ეს სრულ განაკვეთზეა გაანგარიშებული, არის დაახლოებით 600 ლარი, რომელიც 2012 წელს იყო 360 ლარი. უფროსი მასწავლებლის საშუალო ხელფასი არის უკვე 800 ლარი, რომელიც 2012 წელს იყო 450 ლარი, წამყვანი მასწავლებლის არის 965 ლარი, რომელიც 2012 წელს დაახლოებით, 500 ლარი იყო“, - განაცხადა თამარ სანიკიძემ და დასძინა, რომ სახელფასო ზრდისთვის, მიმდინარე პერიოდისთვის სახელმწიფომ დამატებით 90 მილიონი ლარი მიმართა.

 „რაც შეეხება 2017 წელს სახელფასო ზრდას, დამატებით 35 მილიონი ლარი იქნება საჭირო. ამის გაზრდის ვალდებულება მთავრობას შესაბამისი განკარგულებით აქვს აღებული, რომელიც არეგულირებს მასწავლებლის პროფესიული განვითარების და წინსვლის სქემას“, - განაცხადა სანიკიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება