აჭარის მთავრობის თავმჯდომარემ მწვანე კონცხის ტერიტორიაზე მიმდინარე სარეაბილიტაციო სამუშაოები მოინახულა. ამ ეტაპისთვის კონცხის ტერიტორიაზე მასშტაბური სამუშაოები მიმდინარეობს, რომელიც ცენტრალური მაგისტრალიდან მისასვლელი გზის, ტროტუარებისა და სანიაღვრე არხების, ასევე მცოცავი გრუნტის გამაგრებას ითვალისწინებს. პარალელურად მიმდინარეობს ბოტანიკურ ბაღთან მისასვლელი სკვერის და მახინჯაურის სანაპირო ზოლის 800 მეტრი სიგრძის პლაჟის კეთილმოწყობა. ნავმისადგომად გადაკეთდება ზღვაში შეჭრილი 150 მეტრი სიგრძის პირსი, რომელზეც იატაკი დაიგება და მოაჯირები გაუკეთდება. მწვანე კონცხზე მდებარე სავაჭრო და კვების ობიექტებს დაევალათ თავიანთი ობიექტების მოდერნიზება და კეთილმოწყობა.

სამუშაოების მონახულებისას აჭარის მთავრობის თავმჯდომარე მშენებელი კომპანიის წარმომადგენლებს გაესაუბრა და სთხოვა, რომ აუცილებლად გაეთვალისწინებინათ შეზღუდული უნარების მქონე მოქალაქეთათვის ადაპტირებული გარემოს შექმნისა და მემკვიდრეობის სტატუსის მქონე ობიექტის დაცვის ყველა ნიუანსი. არსებულ ობიექტებზე, სადაც 20 სხვადასხვა სიმძიმისა და სახეობის ტექნიკა მუშაობს,  200 ადგილობრივია დასაქმებული. სამუშაოებს 2 კომპანია „მონოლითი 2005" და შპს"გზები" ახორციელებს. სატენდერო პირობების თანახმად 3 მილიონ ლარად შეფასებული სამუშაოები 25 ივლისს უნდა დასრულდეს, თუმცა კომპანია „მონოლითი 2005" წარმომადგენლის თქმით ყველაფერი 1 თვით ადრე ჩაბარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება